يا صاحبي ..

يا صاحبي ما ينقص العاقل إدراك
والجاهل المسكين يتبع ظنونه
وضعاف الأنفس والرديين حاشاك
مايسمح العاقل لهم يخدعونه

وقت الرخا حنا وحنا ونفداك
وقت الشدايد كلهم يرخصونه
بغيابهم ياليت قالوا : لحقناك
رديان وان كانوا معه يجحدونه

هذي عوايدهم ولا أظن يخفاك
قدامهم لو طاح .. ما يرفعونه
عطهم قليلين المروه مقفاك
وايات درب تسكره لا يجونه

خويك اللي صفك .. يواجه عداك
ماهو خويّ لعداك تضحك سنونه
هذا الخوي ، حطه على جنب يمناك
لو تطلبه يعطيك حتى ( عيونه )

اللي يوقف .. دون تدعيه - وياك
وان صار له ماصار وقفت دونه
في غيبته تحماه وان غبت يحماك
سرك وعرضك في غيابك يصونه !

بالورد من يرميك يرميه بشواك
ويقدر اللي شخصك .. يقدرونه
مبدآه لك مبدى و مبدآه مبداك
لا تخسره لو حاولواا يبعدونه !

على الكرم والعز والطيب خواك
و البيت سيسانه عليها ركونه
و الحر يشوونه على قول هذاك
يا صاحبي .. بالنار من يجهلونه

ميز وشوف بعينك أقصاك ودانك
و ترا الرجل ماهو بشكله ولونه
كم ينخدع بعفون رجال شرواك
ورجاااال كفون له و يستاهلونه

صح لسانك

وعلى شانك

دمت بود

خويك اللي صفك .. يواجه عداك
ماهو خويّ لعداك تضحك سنونه
هذا الخوي ، حطه على جنب يمناك
لو تطلبه يعطيك حتى ( عيونه )

اللي يوقف .. دون تدعيه - وياك
وان صار له ماصار وقفت دونه
في غيبته تحماه وان غبت يحماك
سرك وعرضك في غيابك يصونه !
والله كلام من ذهب
والأبيات هاذي عندي تسوى قصيده
صح لسانك ودام فكرك

صح لسانك على هالأبيات الجميلة.......

صح لسانك على هالأبيات

شاعرنا الجميل مرضي العثماني

صح لسانك على حرفك الراااائع ولاتحرمنا جديدك




ودي و تقديري