السلام عليكم ورحمه الله وبركاته
اتصفح القصائد المنقوله واعجبتني هذه الرائعه

يا روح روحي فداك العمـر وسنينـي
لـكــن فـرقــاك تـكـفـى لا تطـريـهـا
انت الذي من جميع الناس مشقينـي
والحاجه اللـي تبـي قلـي واسويهـا
ان كـان يـا داعــج الاعـيـان تغليـنـي
الروح شفها وش اللي صايرٍ فيهـا
ياما على شـان شوفـك تفـرك يدينـي
ويا ما على شانك الرجلين أعنيهـا
كـلـي جــروحٍ ولا غـيــرك يـداويـنـي
وأن كـان خليتنـي منـهـو يداويـهـا
عـلـى غـلاكـم وشـوفـك لا توصيـنـي
والا انت نفسك عليه مـا تواصيهـا
منـيـب ناسـيـك لـكـن أنــت ناسـيـنـي
وشلون عشرة سنين العمر ناسيها
لا من ذكرتك يهـل الدمـع مـن عينـي
واخاف من هرجة العذال وأخفيهـا
اللـي جـرالـي مــن اسبـابـك يكفيـنـي
عـزالله ان المحـبـه مــات راعيـهـا
اتمنى ان تعجبكم وتكون بدايه عودة لاخوكم ابونواف للتسجيل
لانني من فترة طويله ماسجلت شيلات جديده

رابط الحفظ