قصائـد لم تنشر اليكم واحده منها

في ليلة روحي تزايد شقاها=جبت القلم واكتب كما عد الارقام
هو الصديق وصحبتي مانساها=القاه في جيبي اذا اضقـت قوام
اعطيه من قلبي سوالف حواها=ويشوفها اللي حار فيني من العام
اشياء كثيره وسط صدري خفاها=وارست قواعدها الليالي والايام
دنيا خبيثه مانعرف منتهاهــا=من شاف مافيها تكدر ولا نــــــــام
الآدمي فيها يخرب صفاها=خرب قوانينه وخلقه والاحكام
زل الطريق وصاب عيــنه عماها=يمشي ولا يمكن توديه الاقــــــدام
هذي مضيعها وهذي لــقـــــاها=ماعاد له منهج ولا عنده انظـــــــام
والنفس قشرا ما تخلي مناهـا=ان حصلت هذا تبي ذاك قــــــــدام
ياما غشيمن تلته واقتفـــــاها= وصارت حياته كلها احلام بأ حــلام
ما يستريح ولايهون عـــــناهـا=له خاطرن مايحصره خط الاقـــــــلام
ضحكت له الدنيا وهام ابحلاها=يقول طير السعد من فوقنا حــــــام
يظن هذي زرعة له جنـــــــاها=مبسوط يومنه ملا البيت خــــــدام
وجته الرجال اللي تقدم ولاهـا=ناس على وده قعودن وقيـــــــــام
ناس من الغاوي تزيد ابغواهـــا= يزيدم الظلمه ظلامات واظــــــــلام
مسكن مايدري عن اللي وراها=يشوف ضحكات البشر كلها اكــرام
تري الثميله لاتملت بـــــــماها=ياكثر من جاها من الشرق والشام
وان كملت ردوا عليها حصــاها=واقفوا على عد تنا قله الاعـــــلام
عوايد النيا تغش اخويــــــــاها=توصلهم الغبه على عز وانـــــــــعام
ان اضحكت لك لاتناسا جفاها=وان جنبت هذي مقادير واقســــام

والصلاة والسلام على رسولنا الامين