اخواني السلام عليكم ورحمة الله وبركاته

حنا بشهر سبعه وياكثر المتقاعدين والله بلشنا فيهم كنت اقول ياعمار ياشيبانا مهنا زينهم الواحد باقي عن تقاعده سنتين والا ثلاث ماغير يوجه ويخطط ويسولف لكن يوم تقاعدوا وابلشونا حط وشيل وليه ووين رايح ودني الضغط والسكر مرتفع اكيد ماهو من فراغ من الفضاوه .
اول يوم كان الواحد منهم يداوم كان يقضي ثلث وقته بعمله وثلث مع اهله وثلث نايم والحين كل الثلاثات بالبيت يعني وش يسوي ماهو متعود على الجلسه تلقاه بكل شي يتدخل مما يثير في بعض الاحيان المشاكل
تخيل انك ثلاثين سنه تصحى الفجر وتداوم وترجع بعد الضهر وفجأه تصحى الفجر وماتداوم يعني بدون تخطيط وبدون تهيأه وش يصير فيك ماتنجلط والا تتعب والا تنغث والله صدمه قويه يمكن من التعود تلقاك تروح لدوامك وهم مقاعدينك ماتدري تعودت لا احد يكابر ويقول بالعكس انا ابي التقاعد اليوم قبل بكره في حاله اكون معاه انه ما هو بحاجه للوظيفه اي بمعنى تحصيل حاصل فقط يمكن اوافقه الرأي وهذا قليل خص في مجتمعنا .
ليش ما نهيأ هؤلاء المتقاعدين لما بعد التقاعد يعني ما يجي التقاعد الا وهو متجهز له يعني خذ مثلا باقي عن تقاعده سنه لو ني مسؤل عن هذا المتقاعد تدرون وش اسوي اخفف ساعات العمل عليه يعني مااخليه يداوم زي اول وما ادقق عليه ليش تأخرت وليش غبت سنه كامله اوزعها بحيث ما يجي اخر ثلاث شهور الا وهو متعود ومهيأ لما بعد القاعد وهو الفراغ الكبير الذي يتعايشه جميع المتقاعدين ولا ينصدم فجأه بالانقطاع عن العمل واحاول ان استعين ببرامج تنفعه مستقبلا مستعينا بمصلحة التقاعد

هنيك لو مت قاعد بس بتخطيط