متى على الله يرجع الي فقدناه.......
متى يجينا يالسنين ونشوفه.....

مل الصبر من صبرنا وابتلينا.....
مرت سنين وكل ابونا ضيوفه....

مرت سنين وراح ماندري ايش جاه....
والله ماندري شنهي ظروفه....

ساعات نلمح صورته لاذكرناه...
ومن البطا ساعات ننسى وصوفه...

احد يقول شلون لامقدر انساه....
واحد عجز ينطق من الي بجوفه...

يالسنين امه كل يوم تتحراه ...
تقول اخاف اموت من قبل اشوفه....

وابوه حاول يالسنين يتناساه...
لاجابوا اسمه قام يصفق كفوفه....

يالسنين طفله من عيونه عرفناه...
مسكين يكسر خاطر الي يشوفه...

يالسنين حسي لو دقيقه بفرقاه ....
حسي بلوعاته حسي بخوفه........

يالسنين كل إلي تقوليه نرضاه...
إلا الأسير لازم نشوفه.....


من روائع الشاعر /خالد المريخي