حكاوي رصيف لـ / نادر العثماني ..
مصابيح في شارعٍِ موحش طويل
وصغار يرموها بحصى
وظنونهم محدٍ يشوف ولا يرى
الكل بهمومه يسير
الكل لحزانه أسير
حتى الغفير
مال وغفى
ومن بين يده
طاح الأسى
في صوره أمه والضنا
ياليلنا القاسي تعبنا
نسهر وندفن أملنا
ياليلنا القاسي أمانه
بلغه شوقي وحزني
بلغه خالي مكانه
ياليلنا القاسي سرينا
ماعاد لي غيرك رفيق
وماعاد تفرق لو نسى
لو باعني برخص الثرى
ماعد تفرق مع غريق
ملح البحر
وماعد تفرق لو رماني موج عاتي
على شط البحر
ماعاد تفرق بعدها
لو يغرد طير في أذني
أو يغازلني قمر
ماعاد تفرق لو نمى على صدري شجر
وعلى فمي تساقط هالثمر
مايفيد الصوت والدنيا خلا
ومايجيب الخوف غير الصدى
ياصدى قلي علامك
من رحل ناسي كلامك
أناديها بشوقي تعالي
وأنت ترجعلي بملامي
ماتجي ماتجي ماتجي
ياصدى عَود مثل منت
عود لي صدى
أو لا تجيني ما أبي أسمع حكي
عن خيانة عن حنين وسنين الميانه ...!
وين كنا
فوووق وأغدينا تحت
وكيف كنا
صوت وأصبحنا صدى ......!
مصابيح في شارع موحش طويل
وأنا اللي أرميها بحصى
لأنها تشبه عيونك
ضيها ساكن عيوني
ضيها قصة حزينة
ليتها تغفى كفاية ....!
رد مع اقتباس
المفضلات