قصيد ه للشاعر نايف عوده العصباني في(الدفاع عن رسول الله )

بسم الله الرحمن الرحيم

يارعات البقر هذا رسول الله = اعظم إ نسان في ُخلقه وفي دينه
كل من هو يستهزي فيه ياعله = يستهينه ضعيف الخلق ويهينه
جعل رسامهم يمناه منشله = ويبيس الدم في كامل شرايينه
وقوم ياللي وصلك العلم وزعله = وكلنا ننكر اللي صار وندينه
وكل مسلم غيور تقابله قله = كيف يرضى على المعصوم تمهينه
كل كاتب وشيخ وشاعرآ خله= يجتهد حسب معرفته وتدوينه
يعتبر كل وسيله سيف ويسله= والله اللي يعز الحق ويعينه
وقاطعوا كل ماينتج لهم كله= خلوا بضاعته ترجع لتخزينه
كيف نهنا بظل القصر والفله= وا شرف الخلق يطعن في محاسينه
وشبقي والقران وهو كلام الله= الخنازير بالاقدام وأطينه
ومسجدا يحرم الكافر دخولآ له=دخلوفيه وقتلوا مصلينه
مابقى ذل باقي بعد هذله =والبلا انا سكتنا له وراضينه
ولاتجرى عدو الدين والمله =غير من ضعفنا اللي شاف في عينه
وضعفنا ضعف ماهوضعف من قله =بس مانتحد في راي باغينه
امهٍ قبل راس العز تحتله ==واخر الوقت بين الامم مسكينه
في سباتآ عميق وغفلةٍ جله =والشباب انجرف بيدين مغوينه
سوبر استار فزنا به ونرسله=والعدو خلفنا ويسن سكينه
الى متى مانعقد الحبل ونحله =والسكوت اشهد انه غبن ياشينه
عالمآ مضطرب ووضاع مختله =والهدف حرب للاسلام ناوينه
لازم انا نعد الحال والحله =كل شي انكشف من قبل مخفينه
وزور موقع بلي بالنت وفطنله =كم تفاعل مع اللي صار في حينه

الشاعر /نايف عوده العصباني البلوي