البحـــــــــــــــــــر

مناسبة القصيده رد على أحد الأشخاص وذلك عندما يقال له فلان شاعر يقول ليس أفضل من

خالي برغم ان خاله هذا شاعر ولكنه ليس على المستوى العالي وعندما قيل له ابو حسام شاعر

ويكتب الشعر وسمعنا له قصائد وامتدحها كثيرون وياليته أفتخر بفعله هو لكنه افتخر بفعل غيره

وقلت له امهلني ربع ساعه وامام الجميع كتبت له هذه القصيده وطلبت منه ان يرد عليها هو أو

خاله ولكنه تفاجئ فيها وعترفت بعدم قدرته على الرد لا هو ولا خاله لاأطيل عليكم اليكم القصيده

واتمنى ان تنال على رضاكم

البحـــــــــــــــــــــر

ياهجوسي والله أن مالي حبلاً رثيث=وبحر شعري ماخبرته يلط الا يلط

يا....لاتعلق مع الحبل الرميث=من تعلق فيه ف سفل السفلى بلط

وانتبه لاتحقر الناس لوك شبل ليث=فيه قبلك من علو قمة الحيدا العلط
ولاتحدا البحر وانته ماغطيت النيث=ولامن نهو ك الناس عن الغلط زدته غلط
السوالف يا...ماهي بكلت بثيث= تحسب السالفه أكل كبسه مع سلط
ولاتحسب السحب دايم لنا تلقح بغيث=نوب تلقح في عذاباً وناراً تجتلط
وانتبه قدام لاتشب ناراً في وريث=وتحرقك ناراً في سناها تختلط
لاتعبث يا..لين أسميك العبيث=ولاتلقف لين أوريك خلطت من خلط
وعلم اني دايم الدوم ممشاي حثيث= وعلمتني سود الايام والوقت الغلط
وعلم اني راحمك من عنا الوقت الغثيث=لو رميتك سهم شعري من ضلوعك ملط
لاتعجل خل عندك من الايام ريث=وعلم ان التمر يشبه بلمسه لزلط
خذ علوم الشاعر اللي بداشعره كثيث=قبل تطيح بدواهي بعدها تنجلط
والتحيه يا....وانت اعرفك شبل ليث=ومن فخر في فعل غيره غلط وامية غلط

مع تحياتي للجميع

صح لسانك
ويعطيك العافيه على القصيده الرائعه

وش تبيه يقول بعد هذه القصيده ما له الا الاعتراف بالحق

الشاعر شاهين النوائف
سلمت على هالقصيده الرائعه واعتبرها رد ناري
على بعض الاشخاص واعلم ان مايذم الناس الا
شخص للاسف به نقص او به غرور0 وكـــــــل
مااقوله لك وسع صدرك يالغالي

وانتبه لاتحقر الناس لوك شبل ليث=فيه قبلك مـن علـو قمـة الحيـدا العلـط
ولاتحدا البحـر وانتـه ماغطيـت النيـث=ولامن نهو ك الناس عن الغلط زدته غلـط

الشااعر المبدع شاهين النوايف
صح لسانك على الرائعة

ألاخ / شاهين النوايف
صح لسانك على هالرائعه
وأنت طبقت المثل الي يقول :
قال خيال الخيل عام الاول
قال خيال الخيل حاضر بحاضر
بصراحه كويت فأنضجت الكي
تقبل كل التقدير والاحترام
ودمت بخير وعافيه

قصيده تعجيزيه

تدل على قدرت الشاعر

صح السانك اخي شاهين