دايم على الغافل سواة الذيابه للشاعر : سليمان بن صامل العرادي

قلته وأنا مبداي في راس مشذوب=المقلحز اللي زما من هضابه
متوحشاً كني من العقل مسلوب=علي لجات الروابع ضبابه
كني من السم الحمر شارباً كوب=غادن بيبان الضمير انحطابه
أسباب ناساً هرجهم غير مقلوب=دايم على الغافل سواة الذيابه
صدقان فا اللسن وعدوان فقلوب=هذا على هذا يشب الحرابه
ناساً تبيع الحصن في ثور مجلوب=والحر الاشقر ما يساوي ضرابه
مالي وناسه عندهم يا ملا الصوب=صوب القصار اللي منقى زهابه
لا صار هم وأبليس طالب ومطلوب=العبد عنهم مثل غسل الجنابه

وســــــــــــــــــــــــــــــــــــــــ ـ ـ ـ ـ ـ ــــــلامتكم

الاخ العزيز/ الصعب
اشكرك على تزويدنا بهذة النوادر التي كاد ان يطويها النسيان وضعف الاعلام لدينا .. امل نشر مايقع تحت يدك من قصائد للشاعرين سالم وسليمان بن صامل هنا .. كما امل تزويدنا بقصيدة جدك سالم رحمه الله التي يقول في مطلعها :
يقول ابن صامل بدا العصر في شار
بانتظارك

وتحياتي لك وتقبل مروري

الله يعطيك العافيه يالصعب

أنا من الذين يبحثون دوما عن قصائد ابناء صامل سالم الله يرحمه وسليمان

لكن اظنك أخطأت خطأ إملائي بسيط في هذا البيت وهو في كلمة (العبد) وهي في الاصل ( البعد )

لا صار هم وأبليس طالب ومطلوب

العبد عنهم مثل غسـل الجنابـه

لا صار هم وأبليس طالب ومطلوب

البعد عنهم مثل غسـل الجنابـه

وتحياتي لك وتقبل مروري

وتحياتي لك

أبو فالح ابشر بعزك القصيده موجوده وسوف ادرجها عن قريب