قصيدة ( علم النفس ) لسعد علوش

أعجبتني هذه القصيدة للرائع سعد علوش وأعتقد أنها نزلت له بعد قصيدة ( التوبة ) والتي أعلن من خلالها الاعتزال , سعد علوش مغاير في كل شيء ومتمكن إلى مالا سقف يحده , أترككم مع القصيدة

في فن علم النفس وأنماط الحياة = مصيبتك طلع وراها فايدة
لا ينتثر فكرك على كذا اتجاه = الخصخصة فن العقول الرايدة
وإن ساد من حولك شعور الاشتباه = خذ لشعورك منطقة محايدة
الثقة سقف العقل والناقص ذكاه = من حسسك بأن فيه حاجة زايدة
والإبداع ماهو لعب شد الانتباه = على حساب إلغاء فكرة سايدة
والضيق ضيق الأفق وإكظام الشفاة = وفهم الحياة على إنها مزايدة
أفضل وسيلة للسعادة والنجاة = سهلة على الراغب ولاهي كايدة
توحد الله صدق وتقيم الصلاة = وجعل الفواحش عن حدودك نايدة
وتكف يدك وتحمد الله على الغناة = وتخشر هنودك معك في المايدة
ولا تخاوي لا شيوخ ولا رعاة = خاو أصدقا تفكيرك وفرايدة
والشيخ من تواضعه يسبق عطاه = يتعودون الناس من عوايده
والحب ذروة كل شيء ومنتهاه = و محلا من وضوحه سوى مكايده
يبكي الرجال ويبحث خفاه = ويعلمه شرح الحظوظ البايدة
واللي يحب أحد ماهو في مستواه = يبطي وعينه بالمدامع جايده
يا وجد حال الشاعر ويا أمه وأباه = وجود من هاوش لأخوه وصايده
اللي أتمنى أعيش وأتوفى معاه = حتى فعيده ما قدرت أعايده
الحزن طاقة للدعاة وللطغاة = وأنا طلعت من الجروح بـ فايدة
إن لم تزد شيئا على هذي الحياة = فتأكد أنت حاجة زايدة [/frame]

[/poem][/POEM]

قصــــيدهـ رائعه من شـــاعر رائـــــع


الحسان


الف شكر لك

الحسان .

اختيار رائع .. ووق مميز ..

سلمت يمينك . والله يعطيك العافية ..

,

قصيدهـ .. ولا أروع

لك الشكر لاتحافنا بها

سلمان العرادي