طال انتظاري وهزني خافق الشوق
أجا مل ألوانه وهي جاملتني
عليك يا شخصن على مسكنه فوق
ألي له جنون المحبة رمتني
ماني على ما قلت غايب عن السوق
مير الظروف الراهنه قد حدتني
هزت بداخل مهجتي خمسة أعروق
يا ليتها هن موطنك راجعتني
الهاجس ألي في ضميري له أيروق
سحابته ترعد وهي ما غشتني
وانأ بشر وأحس لي دم وعروق
وأساير الدنيا ولو ما غطتني
عليك قلبي من محانية مشقوق
ونفسي على الهجران ما طاوعتني
ولا شاقني غيرك من الناس مخلوق
أن كان نفسك يا حبيبي بقتني
وان كان فيك من الجسد شي مسروق
اطلب حقوقك لا تقول قدرتني
ياليتني في كرتكم صرت مرفوق
راضي بحكم الروح لو ما أسعدتني
يا ألله يا ألله يا ألله
كلماااات قوية جدا وجميلة خاصة البيت الاخير
تحياااتي لك يا بقايا إنسااانه مع اني حاولت اعدل في القصيدة اعذريني مافهمت بعض الكلمات فخانني نطقها فعدلتها لأرضي ذوقي وتهجاي لها
تحياتي لكي
ودمتي بخير
اخوك/سلطان
المفضلات