رد الــوفــا ..

السلام عليكم ورحمة الله وبركاته
هذه القصيدة مشاركة مني في حفل تكريم الشاعر سعود بن كايد العصباني
للشاعر حمود بن سلمان السميري في محافظة حفر الباطن
بتاريخ 27/7/1429 هـ

عديت بالمرقاب و القلب به شوق=شوق (أ)بدوي لمرزميات المخايل
اشفى على حد الشفا خايل بروق=ومزناً يرفرف حط غيثه همايل
جاله مع الغربي على داره يسوق=واسقى مرابيعه وذيك الخمايل
وغنى طرب وافراح له راعي النوق=و من خال برقه شد يمه رحايل
واقفت مزونه ترتزم واوجه شروق=وهلت مطرها فوق بيضا نثايل
وصبوحها جاب الخبر شخص موثوق=قال المزون ارخت على ديار حايل
يا زين حايل وان طلع كل زملوق=وقامت غصون النبت فيها تمايل
يدله بها العاشق و لو كان محروق=سبت عناه منقضات الجدايل
وعلى الحفر هلت من الغيث شملوق=شرق و جنوب وغرب وايضا شمايل
ديرة بها صاحب لنا هرجته ذوق=ينقى الكلام الزين نقو الاصايل
يرقى السنود وهمته للعلا فوق=للمرجلة و علوم الأجواد طايل
لسعود بن كايد تهيضت طاروق=من خافقي بين الضلوع النحايل
ساس الكرم و الطيب مع حسن منطوق=وردّ الوفا بانت عليه الدلايل
سابق على العلم الوفي غير مسبوق=للعلم وكبار الصعيبات شايل
ساس المساوي ما تخلي لها حقوق=للضد ضد و للجمايل جمايل
ذباحة اللي هزعت كل معلوق=و حلو النبا متوارثينه سلايل
ما همهم لو شاطها السعر بالسوق=ترخص لضيف الليل والا القوايل
ويا الله يا رازق وانا العبد مرزوق=يا رب يا سامع ندا كل سايل
تحفظ بلدنا من بلى كل مطفوق=و تنصر حكومتنا على كل عايل
وختامها صلوا على خير مخلوق=اللي نهار الهول للشفع نايل

* فالح عايض السميري

عليكم السلام ورحمة الله وبركاته

.
.

وسلمت وصح لسانكـ على هذه القصيده الشامخه

وحقيقه لا نستغرب الابداع من اهله فأنت شاعر مبدع وجزل

سلمت سلمت يا ابو عمر

وسعود كايد

وابو رايد يستحقون المدح ووفو وكفو بيض الله وجيههم

تحياتي وتقديري

* عايد السميري

يا زين حايل وان طلـع كـل زملـوق
وقامت غصون النبـت فيهـا تمايـل

يدله بها العاشق و لو كـان محـروق
سبـت عنـاه منقضـات الجـدايـل






ابوعمر ونعم بالمادح والممدوح روعة قوافيك
تدخل بقلب كل متذوق للشعر 0

الى الأمام ابو عمر تقبل تحياتي

عساك تسلم يابو عمر

اجمل تحياتي وتقديري لشخصكم النبيل

قصيده جزله تستحق القراءه والتمعن 0 وليس مسغربه من ابو عمر

عوايدكم الابداع والجزاله وكل الزين كما قال اخي عايد السميري

يستاهل الممدوح

وبيض الله وجهك

وتقبل سلامي

وفقك الله

وعليكم السلام

أبو عمر صح الله لسانك مليون ولا يسدن

ونعم المادح والممدوح

شهادتي فيك مجروحه

دمت بحفظ الله ورعايته

ابوعمر
شكراً
لرقة حروفك واسلوب نقلك
وشكراً لتواجد صفحاتك
وشكراً لانك تمتعنا
باعذب الكلمات

ابيات اقل مايقال عنها رائعه

لاعدمنا تواجدك
ولك مني كل محبه

عبدالله الحيشي