عيوني سالمه

أخواني هذه المحاورة بيني وبين ابوتركي البلوي وهوشاعر محاورة مبدع ورائع

وهو الآن أحد أعضاء هذا المنتدى بأسم "ا ب و ت رك ي" وانتهزها فرصة للترحيب

بشاعرنا الغالي


أبو تركي

سلام الله بمجلس بيرقه فالمرجله منشور= بلي ربعي هل الطولات حاضرها وماضيها
ليا قام القصير صاحبي للملعبه مشكور= على وضح النقا فا لدرب ناخذها ونعطيهـا

القصير

هلا يامرحبا وبك البقا من شاعر"ن" دكتور=ليا طب التميمـي سلـم الرايـة لراعيهـا
تحزم واستلم رد القصيروالصفوف حضور=صفوف الملعبة والملعبة ياكثرمـا حييهـا

أبوتركي

ليا طب التميمي مع رجال (ن) يحكمون الشور = لقى الدكتور يبلش في جروحه ما يداويها
أنا عارفك شاعر ماضيه للك فالزمان عصور = لكن ليلتك هذي يالقصير ما انت ناسيها

القصير

يا ابوتركي علامك تنهش جيوبك كما المسعور=عسى العينين يارجـال مـادب الرمـد فيهـا
وكنك هايب المسرى معي جنب و طف النور=انا ماني بمن ينسىالخصـوم اللـي يسريهـا

أبوتركي

ترى هذي وصوفك ياعميلي لاتلف تدور= عيوني سالمه وأحسب خطايه قبل لامشيها
انا ماني بهايب وانت لاتشهد شهادة زور= حلوم الليل تغدي من حلمها واقتنع فيها

الفصير

ما دام عينك سالمه ناظر بها والنـور نـور=نصيحـه لاتكثـر كحلهـا بعديـن تعميـهـا
نقول الحق لك واعرف مقامك ماعليك قصور=تسميها و أنا مانـي علـى قولـك مسميهـا

ابوتركي

عيونك صالحه حمرا تشابه شعلة الدافور= تبى تعمى من اسباب السواه اللي تسويها
ترى ظاهر كلامك زين والله يعلم المستور= قديمه يا القصير ياعميلي ما تمشيها

القصير

عسى هاك السحابة ماتعدى وادي المنجور=مطرها عندنا والسيل ما ياصل ضواحيهـا
كلامي ما عليه ا خلاف وانته بالبلد معذور=و هذي مشكلة لا صا ر حاميها حراميهـا

ابوتركي

لو الأرزاق في يدينك عبادالله تعيش دهور= ولكن أمرها في يدين وامرها وناهيها
مصيبه يهرج الرجال بالهرجه بدون شعور = يوصف للعرب بوصوف بجنوبه مواريها

القصير

احد منا نصا مكة واحد منا رحل للطور=واشوف اللي يسرحها علامه ما يضويها
انا توي دريت انك تسوي بالجبال قصور=قصور"ن"عاليه لاجا عقاب الليل تبنيهـا

ابوتركي

على خوتك يم الطور ماني يااجودي مجبور= علامك ياالقصير تمسك السكه وتخطيها
تعرف الحر يفرق منزله عن منزل العصفور= قصوري عامره بالعز وعيوني تراعيها

القصير

ماحدجابرك يالمذعورحذرى لاتعدى السور=وأنا ماشي على السكةولاشفتك حواليها
أعرف الحر يفرق منزله عن منزل الدبور=قصوره لاطلع صوته على راسه نواسيها

أهلا بك أخي الغالي

و أهلا بالشاعر أبو تركي البلوي

محاورة ممتعة

و بكم نسعد

محاوره اكثر من رائعه


ودائماً علمك غانم يالقصير


مشكور على النقل


* ويشهد الله اسعدني انضمام الشاعر ابو تركي البلوي لهذا الصرح


فـــ أهلاً وسهلاً به وحياه الله بين ربعه وفي محله

تحياتي


عايد السميري

أخي موسى أخي عايد
اسعدني مروركم والشرف بالإنظمام لهذا المنتدى العزيز على قلبي
دمتم بود