(أدري إن المرجله ماهي حصيلة جهـد ليله )هذاردي على الشاعر/محمدظاهرالميهوبي..وهذه القصه

( ساقت النسمه موده واستهلت عند عايد )




قصيدة للشاعر الكبير والإعلامي المعروف / محمد ظاهر الميهوبي

ورد ..

السميري عايد

اتشرف في مرورك والله انـك لـي دليلـه= يظفي التشريف منك قبل شعـري والقصايـد
رجل مثلك يا ابو سالم تفتخر فيـه القبيلـه=انت من اركان القبيله مرتفع في راس نايـد
ليه ما افخر وافتخر وانت الذي صاحب نفيله=والله اني لا افتخر ثم افتخر وقـت النشايـد
كل رجلاٌ وسط ربعه واجب ان حمله يشيلـه=والحمول ثقال والطرقه لها رجـال الشدايـد
والله انها جت في راسي وابرقت لي مستخيله=ساقت النسمه موده واستهلـت عنـد عايـد
اعرف ان السيل يجري كل وادي له مسيلـه=والمسيل ان ضاق يستاسع مسيله والحفايـد
وانت عدا للرهاء يفداك مـن عـده ثميلـه=ترتوى منك الضوامي كم صدير وكم ورايـد
لك مدارك بالعلـوم الطيبـه راعـي جميلـه=و الجميله بالجميله ردهـا سلـوم وعوايـد
والرجال رجال تفرق كل رجل ولـه حصيلـه=مثلك وشرواك عندي مكسبي واعظم فوايـد
اتشرف واتشرف وانـت يمنـاي الطويلـه=راعي النوماس مثلـك لـه معانيهـا قلايـد

الشاعر / محمد ظاهر الميهوبي


الرد :


علم ماهو علم بانـتر نت والا في جرايد

/

/

بارك الله بالرجال اللي يجيبون الجزيله = الرجال اللي يجيبون الجزايل والفرايد
وانت منهم ياوسيع العرف ياراع الأصيله = علم ماهو علم بانـتر نت والا في جرايد
علم من راس إبدوي(ن) خـــيّـــل رعود المخيله = يوم هلت وارعدت وبروقها مثل الوقايد
أرعدت وأنا أدري / أدري كل وادي وين سيله = وادي(ن) يضـرب بحــر .. وشعـيـّـبٍ مامن بعايد
وادري إن المرجله ماهي حصيلة جهد ليله = وادري إن ماكل طير(ن) تقتنيه يجيك صايد
يامحمد يامحمد وادري إن المستحيله = ماتهمك لين صرت بعالم الإبداع رايد
والثقيله ماتهمك لو يقولو لك ثقيله = ترتكي للكايده في عزم لو الوقت كايد
يابو فيصل وانت شاعر كفو ماتجيب الهزيله = شعرك يشرف ويبقى / يوم بعض الشعر بايد
والشرف لي طال عمرك كلمةٍ لو هي قليله= قلتها والا أنت قدرك عن حروف القاف زايد
وفالختام أستسمحك فالحادي اللي ذا بديله = بعكس القانون وارحب بشخصك والفرايد
مرحبا ترحيبةٍ توفي عميل(ن) من عميله = من ضميري قلتها والناس عادات وعقايد

عايد السميري

صح لسانك ياعايد ولا يهون ابو فيصل وانا اشهد انك تستاهل

شاعرين جزلين علمين من أعلام شعراء القبيلة

و نعم بكما و صح بوحكما

جزلين دائماً


الف شكراً لكما هذا الابداع و الامتاع الشعري

.

والنعم والف نعم
بالشاعرين الكبيرين
ابو سالم تستاهل هذه
الاشاده من شاعر متمكن
بحجم محمد الميهوبي
والكلام الطيب مايصدر غير
من الرجال الطيبين

ابو سالم انتَ تستاهل وابو فيصل يفعل

ولكما الشكر الجزيل

والله يابو زياد انت تستاهل الطييييب والمــدح .. والميهوبي يستاهل المدح والطيب ..