صح لسان الشاعر ويعطيك العافيه يأبوشامة على النقل الرائع .... وتحياتي ....
بسم الله الرحمن الرحيم
هذه قصيدة لخالي الشاعر عمر سالم بن مليح أبوشامه وأتمنى أن تحوز على رضاكم 0
* الرجم *
شديت رجلي يمـة الرجـم تحديـد=وقت العصير اللي به الظـل طـاوي
لقيـت بالمرقـاب جـرة تـراديـد=قبلي ترا سرحـان بالرجـم عـاوي
وقعدت في راسه وأنا أعيـد وازيـد=شئ(ن) من الذكرى وشئ(ن) مناوي
وعديت في راسه من الوقت كم عيد=وقتن بعيـدن بـس طيفـه دنـاوي
تسابقـت دمـوع عينـي مفاريـد=وأقـول يازيـن البكـا للـخـلاوي
يارجم ماعينت لـي شـرّد الصيـد=يارجم أنا قلبي على الصيد غـاوي
شفت الأثر ماحـي ولابـه تناشيـد=لكنّ راعي الحاجه بهرجـه يـلاوي
من يوم شفت الشيب بعارضي سيـد=أتلا السوالف صار فيهـا عـزاوي
يارجـم بـددت المعاليـق تبـديـد=الموت عنـدي والحيـاة امتسـاوي
وقفت أنـا وقفـه تخلـي المعاويـد=حيلـن يلعّبـن الرسـن بالهقـاوي
أخذت أنا من صافي الوقت ماأريـد=ومنشّنـه هـذي آثـار المـكـاوي
أنـا خـوي للنشامـا مـع البـيـد=في هرجتن تفـك عقـد المهـاوي
وهروج يطربـن النشامـا الأواليـد=في خايعن توه مـن السيـل راوي
يازين شرب الكيف عقب المجاريـد=هـذا هـوا قلبـي وليّـه يــداوي
ريح النفـل والشيـح بـدد بتبديـد=كل الهموم اللي على القلـب تـاوي
يالله تسويها علـى كيـف ماأريـد=إنت الـذي علـى المظاليـم قـاوي
في جاه من له جاه في وقفت العيـد=يومه رفعـت ويقبلـن ْ الدعـاوي
صح لسان الشاعر ويعطيك العافيه يأبوشامة على النقل الرائع .... وتحياتي ....
اللهم لك الحمد كما ينبغي لجلال وجهك وعظيم سلطانك
تحية على النقل الجميل لهذه القصيدة الرائعة
وفقك الله
اشكر كل من ساهم بحصولي على هذا الدرعواخص اخي علي الرقيقيص بالشكر على هذا التوقيع
ابو شامة
تسلم على نقل هذه القصيدة الجزلة
وصح السان الشاعر .
تبقل تحياتي
نواف دخيل الله ، فالح عايض السميري ، سعود عقيل ، أبو سعود
شكرا لمروركم على القصيدة ومروركم وسام لهذا الموضوع
الذين يشاهدون الموضوع الآن: 1 (0 من الأعضاء و 1 زائر)
المفضلات