صح لسانك و سلمت يمناك يا بوي
بسم الله الرحمن الرحيم
السلام عليكم و رحمه الله و بركاته
هذه أحد قصائدي كتبتها في احد الأوقات التي مررت بها فأتمنا أن تنال على رضاكم
هات القلم و اكتب تعابير الأمثال =و اكتب ترى القلب هيض غرامه
اليوم قلبي من هموم العنا شال = شال العنا و الهم و الهم ضامه
قلباً غدا للهم مارد و مدهال = واثر عليه و مخطراً في عدامه
أن جيت أبا أرق صار بالقلب ولوال = ما ذاق لذات الكرى في منامه
لامن صديقٍ يوم نشكي له الحال = غير الله أللي عالماً في مرامه
شفت الجفا بالعين ماهو بالأقوال = كلاً يعبر عن ضميره كلامه
ماني غشيماً عارفاً كل الأحوال = و أعرف طريق العز و أعرف نضامه
عارف خراجي كان شفت الدهر مال = ماني ورى المقفين راعي ملامه
السر ما يبدا على كل رجال = اللاعلى أهل العز و أهل الشهامه
اللي معك ياقف الليا حدك الجال = خلك معه وافي و زيد أحترامه
خلك مع أهل الطيب للطيب فعال = و الا الردي قربه يزيد الندامه
شفت الزمان اليوم بانت به أهوال = كلاً يقول الحق عندي سنامه
ناسٍ تقلد ناس فيها المثل قال = مثل الغراب اللي يقلد حمامه
الطيب صعب الا على طيب الفال = والنذل ما يقوى دروب الكرامه
تصعب عليه دروب ذربين الأفعال = لو زاد ماله ما يبين مقامه
النذل مثل الرِس لو جانبه سال = يرجع على ساسه و يكثر هدامه
مشاكل الدنيا عريظات و طوال = ما تنتهي حتى تقوم القيامه
لا تامن الدنيا ترى الوقت ختال = دون المرابح ليت منها السلامه
هذا كلامي و الليالي بالأقبال = يظهر بها الخافي و نعرف تمامه
القول واجد من حرص فيه يهتال = وكلاً على معناه يبني خيامه
وصلاة ربي عد ما هل همال = وعداد من صلى وكمل صيامه
على نبياً وضح الحق مازال = وضح سبيل الخير و الحق قامه
وسلامتكم
الشاعر / عوض بن علي الخولي البلوي / أبو هشام
التعديل الأخير تم بواسطة عوض علي الخولي ; 04-09-2009 الساعة 11:42 PM
صح لسانك أخي عوض وهنيئاً لك باأناملك الذهبية ولاتحرمنا من إبداعاتك...
فالك((الإدارة))...
ننتظر منك المزيد
اخوي الشاعر عوض الخولي
صح لسانك ولا هنت
تم تنسيق النص من قبلي بعد اذنك
تحياتي لك وتقديري
عوض الخولي
نص قمه علي قمه علي المسحوب
ابياته اعجبتني وزاد اعجابي في:
لامن صديقٍ يوم نشكـي لـه الحـال
غير الله أللـي عالمـاً فـي مرامـه
شفت الجفا بالعيـن ماهـو بالأقـوال
كـلاً يعبـر عـن ضميـره كلامـه
لك تحيتي ومحبتي
شفت الجفا بالعيـن ماهـو بالأقـوال
و كـلاً يعبـر عـن ضميـره كلامـــــه
الشاعر الرائع / عوض الخولي
صح لسانك ..
نص جميل بل أكثر ..
نص لا يأتي إلا من تجربه كبيره فـ/ــالحياااه
عوض .. مره أخرى
صح لسانك ..
محبتي
أسعد السحيمي
الذين يشاهدون الموضوع الآن: 1 (0 من الأعضاء و 1 زائر)
المفضلات