يقطع ابوها مونة تذلني

تستاهله انت اللي خليت لهم فرصه وهذا اقل شي يسويه فيك باقي ما شفت شي اليوم ؟؟؟؟؟؟؟؟؟؟؟ وبكره اخس وأخس

ماني مريض اكلم نفسي لكن هذا ماعايشته في مجتمعنا

خلك صريح والا خلك جاد بمعنى اصح

اكيد حنااصدقاء ونمون على بعضنا لكن ماهو مونة تصل الى حد انك تجرحني والا ماتشوفني شي والا تستغفلني والا تستحقرني المزح له وقت والجد في كل وقت

حنا اخويا ( لا تصدقون الموضوع من راسي ) نتقابل شبه يومي سواءباستراحه او بمنتدى والا بكازينوا او ماشابه ذلك اخوياجلستنا ماتنمل والكل يتمنى انه يجلس معنا ( الكل يغبطنا على وناستنا ) لكن ومع مرور الايام انعكست الامور تفشى المزح وصار الواحد يرمي الكلمة مايحسب احسابها اذا سولف منا احد وانتهت السالفه يقول الثاني عطنا على وزنها ( قصده انك تكذب لكن جابها بطريقه رهيبة يكذبك وما يزعلك لانه لو قال لك تكذب كسرت خشمه )

لا وابشركم تطورت الامور صار الواحد يمون اكثر اذا تأخرت وانت ماجيت يسألك اكيد ام فلان مشتك للسوق واكيد ام فلان مفشقه عليك ماتخليك تفر

الامور كل مالها تردى والخوة كل مالها تتفكك الكل يمون عليك الحين حتى الطفل تلقاه يطش عليك كلمه يمكن تزعلك لكن مالك حق تزعل لانك انت في حد ذاتك خليت مجتمعك يتمادى عليك ولم توقفهم عن حدودهم

اخواني كثرة المزح يقلل الهيبة
صح نمزح نضحك نشرتح بس بحدود وماهو كل وقت الواحد يمون ويمزح لاتستغرب يجيك واحد من اخوياك وانت بعملك والا في بيتك يشطح عليك

مابقى الا تاخذ معاك موسيقى حمادة سلطان طنطرطنطن طن طن

اخواني يمكن ماقدرت اوصل لعقولكم من خلال موضوعي لكن اعتبروها

من خثرداتي ( ابو قايش )

بسم الله الرحمن الرحيم

أخي /بندر

سوف أختصر إعجابي بالموضوع بكلمة (رائع رائع

يقطعها من مونة ؟؟؟؟؟؟؟؟؟

الأخ // بندر أنا معك وبقوة بالموضوع والفكرة وصلت وواضحة ::

الله الله عليك يابندر انت ومواضيعك
،،،،،
مشكله كلنا نعاني منها

والأدهى والامر شخص تتعرف عليه بجلستين ثلاث
فقط
يقابلك أما مجتمع يقعد يطقطق عليك ويكسر المونه كانه مولود معاك
ولا من اخوانك
يقطعها من مونه
،،،،
التوازن مطلوب
والمزح مطلوب لكن ليس باستمرار لا بد من وجود جديه
لان المزح لازاد يسير سماجه
،،،،
وبالمقابل إن توقفت عن المزح
قالوا فلان غثيث وشايف نفسه على وش
،،،،،
الحل بنظري

خلق الله ما انت معدلها

لكن كل واحد يبدأ بنفسه ويضع لها قيود فلا ينهى عن أمر هو يأتيه
فإذا أنا عدلت نفسي وانت عدلت نفسك
والثاني والثالث سنصل لما نريد من إتزان
،،،،،
موضوع في قمة الروعه
ويطول به الحديث
أكتفي بما ذكرت والله الموفق
،،،،

طابت اوقاتك ابو قايش

اخي بندر
المهم ان الواحد مايعطي نفسه الحق بلمونه على الغيرثم يختلف الحال عند مونتهم عليه
وصدقني ان اللي مايبتدي بلخطاء ان كان بلمونه اوغيرها ماحد يخطي عليه
بعضنا للاسف ينطبق عليه المثل البعير مايشوف اعوجة ارقبته يقدح في مخاليق الله واذا عاملوه بمبدى المعامله بلمثل اوردو له الصاع صاعين زعل وتدلى برطمه
تحياتي ويقطع ابو الخوه او الصداقه اللي مافيها مونه

بسم الله الرحمن الرحيم

أخي /بندر

سوف أختصر إعجابي بالموضوع بكلمة (رائع رائع

يقطعها من مونة ؟؟؟؟؟؟؟؟؟

الله يعطيك العافيه ابو ثامر واشكرك على قرائتك لموضوعي

بالنسبة ل ؟؟؟؟؟؟؟؟؟ لاتدقق شطحة