قصيدة للوالد / ابراهيم السحيمي

البارحة بالليل عقب التعاليل = عيت عيوني عن لذيذ المنامي
هموم قلبي بالضماير جهاجيل = تعاركن بالقلب عرك الضوامي
صدرتهن مابين ضلوعي محاميل = وتفرقن مابين شرق ٍ وشامي
وثم ذكرني بالليال المقابيل = وجيل ٍ طلع لاعلهم للرحامي
وباللي بنا بيته على مدرج السيل = ينحت عن السيسان ويصبح هدامي
وفكرت بالدنيا على كل تحليل = وميزتها مابين عام ٍ وعامي
نوب ٍ بها عدل ٍ ونوب ٍ بها ميل = ونوب ٍ على المخلوق عجفا سنامي
يطلع بها جيل ٍ ويفنى بها جيل = وتلفهم لف الرشا للمقامي
لفت شيوخ ٍ بالمواقف حلاحيل = حلالت الاشكال يوم الزحامي
ولفت رجال ٍ يحرقون المعاميل = صبابة ٍ للبن ربع ٍ حشامي
مكرّمين الضيف ذباحت الحيل = اللي عشاهم دوم عجل ٍ ولآمي
ولفت رجال ٍ تتعب الجيش والخيل = فكاكة المظهور والهوش حامي
ماهابوا الخطرات زحول الرجاجيل = من فوق ظهر مطيرات العسامي
اما كسب نوماس عز ٍ وتنفيل = وألا يموت وصار ذكره وسامي

للشاعر الوآلد / ابراهيم صالح السحيمي

صح لسان الشاعر / ابراهيم صالح السحيمي

قصيده جزله من انسان جــزل

أســعـد

لك الشكر على نقل القصيده لنا

الله يأسعد على هذا المنقول

صح إلسان الوالد (شاعر خنذيذ)