أفراحكم واحزانكم يالسراحين . قصيده رثائيه للشاعر محمد البياضي

قصيده رثائيه للشاعر / محمد البياضي . في المرحوم باذن الله تعالى عبيد بن ناصر السرحاني البلوي والد الشاعر زعل بن عبيد السرحاني ووالد الشاعر الكبير المعروف في المحاوره والنظم حسن بن عبيد السرحاني ومواساه لعموم ابنائه وربعه السراحين تغمد الله الفقيد برحمته وادخله فسيح جناته انه سميع مجيب الدعاء وانا لله وانا اليه راجعون .

افراحكم واحزانكم يالسراحين=ماكنها الا افراح واحزان ناسي
افرح لكم واحزن من القلب والعين=والعالم الله ما بقلبي وراسي
معزة ٍلو تنتغير من سنين=كان انتهت لو كان من قو باسي
أثّر عليّ موقف ضحى يوم الاثنين=حوّل عليّ العام كله مآسي
وفي شهر ذو القعده وبربع وعشرين=رحيل رجل ورجل منكم وراسي
عبيد بن ناصر من اوفى الوفيين=عزيز شهم وله غلا ما يقاسي
وعلى طريق الحق والشرع والدين=دربه واخذ بالطيب رقم ٍقياسي
والناس فيهم طيبين وحشيمين=وكم صيت رجال اعتلا كل راسي
وان جيت اعده من خيار الكريمين=وانا لطيبه رجل ماني بناسي
وواجب علي اعد ما شفت هالحين=من خوف يحصل بالكلام التباسي
عياله اصحابي وناس ٍقريبين=له اصدقاء لي ووقعهم في حواسي
وماصار منه ابختصره وفبيتين=وبذْكره ماهو من دوافع حماسي
جيت النشيفه صدفة ٍقبل عامين=وجابتني الطرقه عليه امتواسي
قدمت عذري وقال مافيه بعدين=لما انجبرت وطعت من بعد ياسي
مشيت معه وبين خضر البساتين=في بيته وفي مجلس من الزل كاسي
وعلى سلوم اهل الوفاء والقوانين=فنجال دله منه طار العماسي
وفي واجبي ماقصر وقدم الزين=ابو زعل على كبار التباسي
وحاول معي عنده لو اقيم يومين=وياليت عذري نال منه التماسي
وادعته وذااليوم فرقا المقفين=وفرقا الابد فرقاه بالحيل قاسي
ومصابكم ياصحابنا يالمصابين=علمه يضيق خاطر الدبلوماسي
ووالله يابو يوسف من يسار ويمين=لاجيت احسبها تضيق المراسي
الموت كم رحل رجال وعزيزين=وياكم كبود ٍمنه حرقا يباسي
ويابو زياد المصطفى والنبيين=مروا طريقه في جديد اللباسي
وعزاي يشملكم قراب وبعيدين=والصبر بالموضوع ذا شرط اساسي
وطالبك يامجيب لدعاء المستغيثين=منزاله الفردوس وابليس خاسي

تغمد الله الفقيد برحمته وادخله فسيح جناته

وانا لله وانا اليه راجعون .

تغمد الله الفقيد برحمته وادخله فسيح جناته

وانا لله وانا اليه راجعون .

اللهم امين تولاه برحمتك باارحم الراحمين.
شاكرمرورك اخي /سعود السحيمي.

الله يرحمه ويغفر له
وانا لله وانا اليه لا راجعون
وتحياتي

	رحم الله ابو زعل واسكنه فسيح جناته عاشق المرجله لقد اعتنقت ما تعشق من المرجله الأصيل يبقى اصيل ابدااااااااااااااااااااااااااااااااااااااع بمعنى الكلمه الله عليك جزاله وقوة شاعريه

الشاعر الكبير العزيز علي قلوب الكثير من السراحين لاهنت يغالي
وهذا ليس مستغرب علي شاعر كبير مثلك ومشاركتك هذي تدل علي طيب
معدنك واصلك وقوة الترابط بين الاخوان والاصدقاء
محمد البياضي عرفا رجلا طيب القلب وكريم الاخلاق
تعشق الطيب اين مكان تعشق عمل الخير ماهم كلفك الثمن
فمن هذا المتصفحي ازف لك ارق كلمات الشكر والعرفان عن ربعي
وتاج راسي السراحين وعن آخواني ابناء الفقيد والمرحوم عبيد بن ناصر السرحاني وزفك لك باقات من الورود لمقامك السامي
فلك الشكر علي هذه الابيات الراقيه كرقي سموك الكريم
عشقت ونلت ولك ودي واحترام

اخوك / عبدالله بن زيد حمود السرحاني البلوي