هذه القصيدة اسندتها للشاعر ناصر الفراعنة السبيعي عسى ان تنال رضاكم
!
!
يا مـل قلـب(ن) بيـن حـزه وحـزه= يـدك بـه تسعيـن غـازي وغـازي
غـزو(ن) بعيـدان البلـنـزا تـغـزه= وغزو(ن) تهزا في ضميـري تهـازي
هـز القلـم يـا معبـي الحبـر هـزه= ينـز حـبـره نــزة الارتــوازي
والشعـر كـزه بالقراطـيـس كــزه=صـدره وعجـزه مشهيـن بالتـوازي
وحطـه بـزرف وزرفــه ثــم دزه= لابن العزيز ومن رجـال(ن) عـزازي
دزه لناصـر جعـل ربــي يـعـزه=زيــزوم قــاف وللتماثـيـل رازي
قـل لـه تـرى زيـدان وقتـه يهـزه=هز الهـوى لعشـوب روس النـوازي
طيـر زمــان البـيـن بـطـه ووزه=ورام العـزا عنهـم ولاهـو بعـازي
قلـبـه زمـانـه بالهـنـادي يـحـزه= وقـام يتجـزا مثـل لـوح القـزازي
كنـه كثيـر الزيـن والزيـن عــزه=ولازايـد(ن) قربـه ولاهـو بجـازي
زيـن(ن) علـى شـط الجمـال يتنـزه=حـاز الجمـال المغربـي والحجـازي
مثـل الغـزال بغـرزة(ن) مبـرهـزه= يرعى الزهر مع مطفـلات الجـوازي
لـو راحـوا زيـورخ وراحـوا لغـزه= والزلفي المذكـور مـع بنـي غـازي
ماينلقـى بالزيـن حــي(ن) يـلـزه= ماخذ علـى الزيـن البديـع امتيـازي
عفيـف عـن هـرج الزلايـب منـزه=منـزه(ن) مـاداس طـرق المخـازي
رد الشاعر ناصـر الفراعنـه
!
!
لحظة بمـز مـن اشعـل اللـون مـزه=قيـل العضيـض ادواه دم(ن) بـرازي
اما اعتلـيـت رجومـهـا المقمـهـزه= ولا خذيـت مـن الرجـوم احتـرازي
النفـس مـن طـرد الهـوى مشمئـزه=وطردن(ن) سوى مافات شئ(ن) نشازي
ضاعـت فلـزة معـدن(ن) فـي فلـزه=والحـظ مـرة والزمـان انتـهـازي
القلـب فــاح وزود الـفـوح قــزه= وراسي خلقـه الله ضلـع(ن) نكـازي
مـن مـا نظـم زيـدان فزيـت فـزه= ما فزها من حـس الاطـلاق جـازي
زيـدان عـزه يـازرق الريـش عـزه=نسـل الرجـال مثقليـن الـمـرازي
زيــدان لايـحـرق حصـاتـه ورزه= الزيـن واجـد والنصيـب انحيـازي
زيـدان لـو بـدل حـريـره بـبـزه= بلاه ظبـي اربـع ثـلاث(ن) لـوازي
ابـو جـديـل(ن) عاتـقـه يستـفـزه= كنه سبيب اشقـر ملـوك(ن) ينـازي
اشقـر باسـم شقـران سلطـان لــزه= ولولا اسمه اسم العود ما كـان فـازي
كـم واحـد(ن) حـب البنـي يستبـزه= يلعـب بثوبـه كنـه الخـاز بــازي
ارقـى سنـود وبيـرق الحـرب رزه=اقولهـا مـن جـد مانـي بـهـازي
فـي ذمتـي يـادم عـرقـي لابــزه=ان ماوزيت لك الغضـي ليـن يـازي
واجيـه لـو عيـون ربـعـه تـخـزه= واللي يصير يصيـر قـاز(ن) بقـازي
كانـه هنـاك فمـا يـطـول بنـجـزه=هـذي دنانيـري وهــذا جــوازي
وكانـه هنـا بـس خـل عينـي تقـزه= والله ان يجي وما لا يجـوز بيجـازي
يقطـع صبـي(ن) بـيـن الازوال رزه=والى بحثـت اقصـاه لاهـو خنـازي
هذه القصيده أسندتها للشاعر : ناصر الفراعنه .. وهذا رده
رد مع اقتباس
المفضلات