بعد العنا والبهاذيل ، اليوم حنّا سعيدين !

السلام عليكم ورحمة الله وبركاتهـ

يالله ان تحيي كلن باسمه

بصراحه ولا اخفيكم ماسكه اليوم معي سماجه
بما اني نايم احلى نومه امس
فالسعيد من وعظ بغيره لا بنفسك وانا باصير عضه لكم اليوم

شطحهـ قبل ابدى

ليه البنت قبل زواجها يكون جسمها ممشوق وخقهـ وتهتم
وعقب الزواج يا كافي تصير كأنها اكلتلها فيل صغير ويبدا يكبر ويكبر
يعني مدري هل هي عارفه ان ذوق الشباب يبون النحيفه واول ما تتزوج تعطي نفقسها الاريحيه بالاكل
ولا مثلا ظروف الحياة تخليها تسمن
ولو قلنا ظروف الحياة ليه ما تنحف طيب


الموضوع..
امس باليل
كنت قاعد بالاستراحه الي يلعب ورقه والي ماسكه معهم سياسة واخرتها شكلهم الحاير

المهم يوم خلصنا السمر ع الساعه 1:30 ليلا

واروح سيدا البيت وكان نصي نوم
ويوم وصلت البيت وافتح باب الشارع عادي فتح >اوووما

واجي بافتح الباب الداخلي والقاه مقفل

انا خربت اخلاقي ليه ليه ليه يعني وين انام
يعني ما ملى عينهم ولدهم ويقعدون يذلوونه بالسكن
> فكرت بهذي اللحظه اتبرى من اهلي بس رحمت (كوماري) لانها تحبني ومتعلقه فيني مالها داعي تشنق نفسها وتصير اول شغاله انتحرة بسبب حبها لولد للكفيل

المهم اني مستحيل اطق الجرس ولا ارن الباب لان ابوي بيطلع علي ويمكن يصير اكشن

وبما اني عزيز نفس واهم شي كرامتي قلت لا ابوكم لا ابو بيتكم واروح لسيارتي حبيبة قلبي واسدح المرتبه واشغل جورج وسوف .. مدري ليه سبحان الله يجيبلي النوم صوته

وعاد ما اخفيكم برد وانا ماكنت لابس زين وبنفس الوقت ماله داعي اشغل السياره لان كذا بيصير كل من مر شافني ويمكن يفهمون غلط ويجي احد وياخذني ويتبناني
> كأني سبحت بخيالي

وطبعا يوم صحيت الصبح والقى ابوي قاعد يفطر
> واناظره بكل حقد يا ابو اللذينا نايم بالسرير وفوقك مكيف وانا بالسياره وانواع البرد

المهم ابوي يتكلم : تعال وانطح فالك
انا: لا شبعان ما ابي شي > يارب يفهم اني زعلان
ابوي : ما احد ميت من الجوع بكيفك
انا: خنقتني العبره وين احساس الابوهـ والحركات ذي ولا كلام جرايد

الزبده اني قلتله وش ذي الحركات ليه تقفلون الباب كاني اشم ريحة اني ما اعجبتكم
قالي من قفله ؟؟
>> يالليل مسوي بيجحد

قلت ما ادري بصراحه
بس بالليل يوم جيت لقيته مقفل من الي قفله

قال : ما ادري بس اصبر > وكان وجهه كذا> يعني كأني بديت اصدق انه بريئ

وننادي صاحبة الحسن والجمال كوماري
قالت ايه انا قفلته > وتقولها بكل وساعة وجه

وانا الي جيت باتفلت عليها
بس ابوي قال تكفى هدي اعصابك وانا ديني ولا دين احد يقولي تكفى

وقلت خلاص روحي وبطايق شحن انسي اجيبلك > لاني كنت اجيبلها بطايق عشان تكلم زوجه ..
وانا للحين ما صدقت انه هالكائن الي عندنا فيه شخص متزوجها

وطلعو اهلي بريئين وانا الي ظالمهم وابشركم ما تبريت منهم

..

تصدقون يوم قضيت من كتابة هالسالفه قعدة اقراها واقول بخاطري
لو احد جاء ورد وقال (طيب وش نسويلك) وش بيصير وجهي

الصدق اني متضايق وابي افضفض وهيك وصعبه هالسالفه اقوله لحد
قلت ياحبيل المنتدى اطلّع الفضايح والامور مستورهـ


المستفاد من القصه...

1) لازم تكون بالسياره بطانيه للازمات
2) الشغالات لازم ينامون اول الناس
3) لاتظن باهلك سوأ وانتبه تتبرى من اهلك لانك اذا جيت بترجع لهم بيكرشونك


شكرا لانصاتكم ..

وانت يا راعي السهرات والهماله في الليوله ليه ما معك مفتاح للبيت


ليه ما تأخذ نسخه من الشايب وتوفر ها المشاكل وها لمواضيع

وبعدين يا دحومي الله يهديك دعاية مالبورو وريحة هالدخان بأول الموضوع

وممنوع التدخين في المنتدى


ارجع لموضوعك إذا ما أخذت المفتاح خل عزبة البر والفراش بالسيارة

وتصبح على خير

أزمة وتعدي ههههههههههههههههههه.................