فتل & نقظ (طارووق)

• محاورة من الدرجه الاولى (فتل & نقض) بين الشاعرين :
فارس الحرف & ثاقب النظره
&&&&&&&&&&&&&&&&&&&&&&&&&&&&&&


*الشاعر : فارس الحرف (اليامي)؛
_________________
[] سلام ولا مرحبا ولا جمعناها ثنين .
إن ماكفت وحده تسد الثانية ماجـوبـهـا.
........................................
[] الليله الليله نبى ندرج و نـهــرج بالـثـمـيـن .
فالساحه اللي دلة الرسلان من مشروبها .

•<>•<>•<>•<>•<>•<><><><><><><><><><>
*الشاعر : ثاقب النظره :
_________________
[] ثنتينهن شرواك ياللي ناوي الليله تبين .
مالوم خلق الله لونك ساكنن بقلوبها .
.............................
[] كانك تبي درب السلامه روح ياليامي يمين .
بالساحة رجالاً ليا قامت تسد بنوبها .

<>•<>•<>•<>•<>•<>•<>•<>•<>•<>•<>•<>•<>•
* الشاعر : فارس الحرف (اليامي) :
_________________
[] ياثاقب النظره يطيبك يوم جيت تصر عين .
ترى الحرامي يفتش حثول العرب وجيوبها .
.................................
[] اذكرك في غزوة بدر وانساك في غزوة حنين .
وأم الكباير فعلها باير على مسحوبها .

<>•<>•<>•<>•<>•<>•<>•<>•<>•<>•<>•<>•<>•
* ثاقب النظره :
________________
[] من ماظهر نعطيك والقاسي على القاسي يلين .
ونقرا على اللي سمها متجمعن بجنوبها .
.....................................
[] تذكر وتنسى وانت ماعندك صحيح ولا يقين .
والمشكله في عمتك واللي تعلق ثوبها .

<>•<>•<>•<>•<>•<>•<>•<>•<>•<>•<>•<>•<>•<>•
* فارس الحرف (اليامي) :
_____________
[] انته بعير الصين يامكبر سنامك شقرتين .
وليا ثقل حملك تسدح للعرب بدروبها .
...................................
[] مادام بك شده تقدم والاسد وسط العرين .
ربعك بلي لو تبعد من يقرب صوبها .

<>•<>•<>•<>•<>•<>•<>•<>•<>•<>•<>•<>•<>•<>•
* ثاقب النظره :
______________
[] اللي لقاك العام وسط القدس وداك لجنين .
الله يحفظ داركم باسمنتها و بطوبها .
..................................
[] مدام بك شده تراني مجهزاً لك دلتين .
يامسحبن قدرك على دروب الرجال بروبها .

<>•<>•<>•<>•<>•<>•<>•<>•<>•<>•<>•<>•<>•<>•
* فارس الحرف(اليامي) :
______________
[] ان كان ماكفتك لعبه عندنا لك لعبتين .
العب مع يام العزيزه واعرف لملعوبها .
..................................
[] عين الرقيبه فالجذيبه والدعاوى حسبتين .
هذي وصيه وانت واحد من بلي وصوبها .

<>•<>•<>•<>•<>•<>•<>•<>•<>•<>•<>•<>•<>•
* ثاقب النظره :
_____________
[] أهب يالحظ الردي لو عشت من عمرك سنين.
يلفحك من نار الهبوب اللي تزايد شوبها .
..................................
[] روح بها لربعك تراها مجوده من جيهتين .
لو تبتسم مااقول من قوماً تبين عيوبها .

<>•<>•<>•<>•<>•<>•<>•<>•<>•<>•<>•<>•<>•
* فارس الحرف(اليامي) :
_____________
[] اللي سلف راجي خلف وين الامانه والامين .
ياهل القلاع اللي مدافعها بروس شعوبها.
..................................
[] اليا بكت الاطلال تبكي من غرام المغرمين .
وليا شكت ماتشكي الا من كبار ذنوبها .

<>•<>•<>•<>•<>•<>•<>•<>•<>•<>•<>•<>•<>•
* ثاقب النظره :
_____________
[] نبني قصور من الحجر ولا انت بنيك لبن طين .
يأهل النخيل اللي نشوف الطلع وسط غروبها .
...............................
[] أبختصر وبانهي الموضوع لك في كلمتين .
ترى النزول من الاشده عيب بعد ركوبها .
<>•<>•<>•<>•<>•<>•<>•<>•<>•<>•<>•<>•<>•<>•

صح لسانك ياثاقب النظرة وصح لسان فارس الحرف

صح بدنك يابو سليمان وشاكر مرورك الجميل

شغل وتركيب عمالقة شعر النقض والفتل