جديد /الشاعرين محمد العرادي ومسند دعيس

محاورة / الشاعرين محمد سليمان العرادي ومسند دعيس الوابصي
الشاعر /محمد سليمان
سﻻمي عليكم ياهل العرف والمعروف#
عدد مانبت بالﻻرض من عقب وسميه
تولم يامسند كان منته بموقوف
وعطنا علومن كنها كيف بريه
الشاعر /مسند دعيس
هلا مرحبا ترحيبتن تسبقك بشوف
عدد ماتغني كل ماشفت طرقيه
انا معك ياشاعر تدور على الملفوف
ونفسك تحب الكيف ولا الملوخيه
الشاعر/ محمد سليمان

يدوم البقاء والخير واصف و مصفوف
عسى مسند الايام تمهل له اشويه
بغينا علومك مالنا غيرها مكلوف
جوابي قريته يوم جاكم ببرقيه
الشاعر /مسند دعيس
ماحصلت با الديره ياكود الولد وضعوف
وهذا الولد لومات ورعانه اضحيه
علومي على كيفك وحصلت لي مصروف
بنوك ورصيد تجيب عشرين منقيه
الشاعر /محمد سليمان
تركد قبل مايجيك طوفان عاصوف
وﻻ تخلط الحلوه على طلع برنيه
ترى علة العاقل بﻻها من الملقوف
وعلة كثير المال من ناس فقريه
الشاعر /مسند دعيس
لونه مابه شعار بقروبنا وضيوف
ابا اقول كلمه بصدر وقت مخفيه
عسى الله يسهل وقتك ولاتجيك ضروف
وتصبح من الشعار ميه على ميه
الشاعر /محمد سليمان
ضروف الزمن يمكن تخليك مكتوف
وذنبك على راع المﻻيين والميه
عسى الله يجنبنا طرايق هل المعزوف
ونبقى بستر الله وخيرات مقفيه
الشاعر /مسند دعيس
اشوف اتحادي حالته كلها مكروف
يامنصور تكفى وصله فيصل العيه
محمد تدربا في طريقه وفيه جروف
وديرة هل النابع رخصهم خصوصيه
الشاعر /محمد سليمان
انا ماعرف الكورة وﻻني بمنتوف
وﻻني من اللي يلعبون الرفيحيه
وكانك تجيد اللعب بالشوف والحوف
ابزهم على منصور يشريك بالميه
الشاعر /مسند دعيس
محمد ترن الملعبه من وراها الوف
ترزق ترزق مثل بعض الحونشيه
من يخاصم اهل العود روح وهو مخطوف
وحنا عقيد القوم محنا حراميه
الشاعر محمد سليمان
يامسند ليا صارت بها كفوف وسيوف
ترانا من اللي ينطح القوم والهيه
قبل تنقل البندق توكد ﻻتنسى زروف
حزامك يخلص وانت ماصبت قمريه
الشاعر /مسند دعيس
زمان المسد الناس راحت صفوف صفوف
ولاشفتك مع الجيش ولا مع الهيه
ترى ابن رفاده ماجهل بصحابي عوف
يعلمك با الحسنه ويذكر لك السيه
الشاعر /محمد سليمان
يامسند ترى بعض البشر ماعليه احسوف
وبعض البشر ﻻراح ودك يجي زيه
ومسند من رجالن لها فعل معروف
عسى الله يجيره من لهب ناره الحيه
الشاعر /مسند دعيس
ياحمود كثر الشيطنه تتعب الملقوف
وناري تولع مثل بشار سوريه
ختام الكلام اتعبت شاعر معاه صفوف
وكل سوالف ضحك ياصافي النيه

صحة ألسنتكم ..............