علم الانسان

قبلي ميول الحرف مرسوم اتقان
ما يجوزلي بالنطق غير بمحلّه

حق القصيد اللي يجي فيه برهان
نبذة كلامٍ اسمعه ما املّه

الصاعدين إخوان واجيال واعوان
مع الحروف لذوقهم استهله

كم بيت شعري يدرج فبالي الان
واتعذّره واحب ما انتقله

اكمل تواصيل العلا علم الانسان
بين الجمل والنظره اللي تدلّه

يعني مجاله لو تقفى بقيفان
تطيب للي مع اثرها يدلّه

بالاختصاص وسجته سج حويان
اللي يجيز الّلي تجمّع وهلّه

اقدر اقول انّه مع كل عنوان
ما اقدر اعبّر بين دقّه وجلّه

واقدر اقول اني من شويّ هيمان
متجمّع وبالي به الفين علّه

هذا الصحيح وصحلي الأخلان
عدو بعض البعض يومٍ نخلّه

ماني مغلّظ فيه او مطلق عنان
الا بروس المفعمات المطلّه

ولاني مقصّر شي لو كنت حيران
ما دامنّي اتسمّعه ما اشلّه

لا جيت عند اثنين ياالمنتحي عان
ترى النظر لاطال ما فيه قلّه

وان كانهم في سالفة كان ما كان
لو تنتحي مابك قصورٍ وزلّه

لولا الخفافة مانعرف نفع الاوزان
و لولا انطلاق المنطفق ما نضلّه