בـلآتڪ בــلم .. مــآ تـنـفع בـقيـقـٍہ !

ابي اقووول لكم سالفه ...!!

طبعااا يوم الاربعاء موافق 5/5 1433 ...كنت في سفره او في رواية تمشيه الى العلا >

لجل تكريم متفوقين من بلي ...

ورجعنا وحمد لله على سلامتنا ,,, دخلت البيت الساعه 4:38 صباحا

وطول طريق نايم من وصلنا الى محطة حبوه ويطيح على النوووم ما صحيت الا لما قربنا الى محطه ام القرى تعرفونها اللي على طريق المدينة

ما عليكم من ها هرج السالفه كلها ((( مشكله فوق مشكلة وانت دايخ وتبي تنااام ))

الموهيم دخلت البيت واروح داخل واللي اسمع صوت اوادم صاحين ,, اتمنقل اشوف والا خالاتي وامي قالبينها سوالف وضحك

واسلام عليهم وابي اروح داري واللي يقلون لا تروح في الغرفه ...؟! ,,,, طيب ليشش

قالوا ::: شلة المزعجه فيها :>>> يقصدون البزوره نايمين

طيب :: انا وش ذنبي تقلبون الغرفه حضانه لي بزورتكم

المهم :: دخلت الغرفه واللي ريحه تعطيك جو باريسي ,,, وفوووق هذا ما تلقاء مكان اللي فووق السرير واللي جنب الدولاب ما غير اناقز من بينهم تقول ,,, غرفه اللغام ,,,, وابدل الثوووب واطق ترنق الرياضه ,, واسئل نفسي لو نمت اللحين ,,,,بكره يا مزكم يا صخونه من ها روائح

قسم بالله ,,,احس نفسي وانا بينهم كاني ماشي في خط مصانع النفط اللي بينبع ,,,,الغرفه يبيلها حرق وتلطيش جدار من جديد + زرع ريحان فيها وبعض من بباتا اللي ريحتها زينه

قشيت بطانيتي + فروتي ,,, وقلت لهم بكره ابي تبخرون الغرفه ..!!

وهم يناظروني ويضحكون ..!! عااارفين اللي صاير فيها ..

واقش عفشي واروح المجلس ,,,, واشووو ما في احد
واسدح فراشي و اطق سبليت على نمره 18 ابرد شي

واول ما سدحت راسي وغطيت في نومه الا الباب ينفتح

واصح واناظر الا (( خلف + متعب )) يناظرون ليه بنظره تخوووف حاده وما يرمشون ..؟؟

اناظر فيهم واقووول وششش فيه ..

وهم يقلون ::: لا تتحرك شبث عند رجلك ..؟؟

وانا ::: ايشششش وش شششبث انت الثاني

لا يكون مشتي ومخرب امها وذبحته الكتمه وقال بطلع اشم هواء

وهم كلن يسلح نفسه >>> يقصد اللي شايل كاس واللي ماسك ريموت التلفزيون ..!!

وانا اناظر لتحت لتحت مرررره

واشوووف شعر جسمه يا كثره وكبير

وانط فووووووووووق خمسه سته وانا وراهم ,,, واناظر له ابي اتأكد يمكن فروتي منقده ومشبهين عليها

وكلن يعزز لثاني وفجائه يطلع شبث ملعون خير هرم كبير وسريع الموهيم فل كامل

ويمين شمال ويصيدونه ,,,و كلن يهايط انا شفته انا واناااا ...

غير انا اسوي بحث بين مراكي والمراتب ابي اتأكد ما احب الاكشن في اخر الليل ...

يطب علي ابوي يأكشنها على ظهري في خيزرانه ,,,,وفوووق هذا انام في الحوووش جنبه ....تقول وكر ذيابه مندفن

طبعااا فتشت وكل شي ورجعت انام ,,,بعد ما خفظت النور اللي مسدوح على راسي تقول تريك ,,,, واقصر على تلفزيون وهم جالسين على مقاطع اليوتوب ويعلقون ويضحكون

وانا ارجع اناااااام ,,,, ويأذن الفجر ... ويطب ابوي علي ويقول قم صل يا هامل

>>>احلى شي ان ابهتنا يشجعونا و يحنون علينا في كلمات مثل المخدر تجعل من تعب الايام ومشاكله راحة لك وسام ينحط على جبهتك

ولا اخفيكم اني سحبت عليه ونمت

اخر شي اتذكر سمعته ((( سيارتي اسرع من سيارتك ))

على ناشونيل جغرافيك

وانا بين النومه و محطه الخيزرانه او لسعه عقال ابوي اللي يروق الى جلدي و اجزا ء جسدي مترهل بعض الشي

واغمض وافتح وما به احد ...وادعسس في نومه ,,,, وتقريبن ما بين باب الحلم والواقع الا الباب ... ينفتح و قضب الباب مدري كويلين بغى يلصق بيده من فتحه ,,,الا (( خلف + متعب )) نفسس الحركه ذيك

وانا ::: يا تنكه انت وياه وش فيه ...

وهم يناظرون لي مره جد ومره يبون يفطسون من ضحك

وانا اخذ نفسي واروح اشوت البطنيه واركض عليهم وهم يحطون رجولهم

وارجع مجلسس واسكر الباب بدقاره او في رواية بقفل ,,!!

وارجع اسب واشتم تحت البطنيه اللي انا فيها

وراح القهر اللي فيني منهم وارجع لنومه

وشوويااات الا ابوي يطق الباب ويتنحنح وطقه تزيد وطقه تنقص ... ومره يتنحنه ومره يذكر الله

وانا اعض البطنيه واصررررررررخ بكل ما فيني ,,,, واطلع راسي من بطنيه واقووول جاايك بسس اللبس ملابسي >>>> تصريفه له

واقشش البطنيه واضبطها واصفته في زاوية واشغل تلفزيون يعنني ماني نااايم

وافتح الباب له .....

وبعد مثل الربع اللي قبل

هو يناظر وانا اناظر ابيه يدخل ..؟؟

ويقول ::: اشم ريحت دخان

قلت له :: لا ما ادخن بسس اعمر شيشه

وهو يعطيني نظره ويحشن نفسه بدعاوي علي لجل يفترسني على ها زهرة

وانا اتراجع واقووول له والله ناااااايم وهذا فراشي ,,, وخلف ومتعب صاجيني من اليوووم شبعانين نوووم .....لكن لا حياه لمن تنادي

غمضه عين والعقال يمشي اللفين وانا اتفاداه بكل رشقه ومرونه

وارجع اواسيه وبرضه يستعد للهجوم مره ثانيه ويأخذ عقاله

وما لي الا بطنيتي استخدمها كـدرع لتفادي محطات والكفوف

ولا زلت صامد اللين طب معي (( خلفوه + متعبوه )) ويفزعون لي ويهدون الوضع

ويروق ابوووي ويأخذ انفاسه ويروح داخل وانا احك كتفي وما يليه من اعضاء الجسم ,,,

واحط راسي واللي فيها فيها .... وخلف ومتعب يرجعون على يوتوب وغثاه

وكان اقوووم واطق السبليت الثاااني واسحب الريموت واحطه جنبي وانااام ....لجل يذبحهم البرد وينقلعون عني

وهم يردون لي النذاله ,,,, ويشغلون كل اللمبات ....

لكن ما يهم نمت قبل يسونها هع

ويغماء علي وما اصحى الا على صوووت ,,,خالي يصحيني ويقول ::: قم يا حليوه الصبح طلع

ويجلس جنبي ويقعد يسحب في البطنيه ,,, ويقول :: وش تسوي ...؟؟؟ >>> حركات زمان خخخخخ

وانا اجاوبه بكلمه وعشر تحت بطنيه ... واترجاه يروح لجل انام مني رايق له

وهو يقوم يطفي اللمبات .... ويترك الباب مفتوح ..؟! ابو نفسيه لما اسمع البزارين واصياحهم

وارضى في الواقع او في راية للمزعجيني وانخمد لجل اني ادري لو قمت وسكرت الباب يطير النوووم >>

وما اصحى الا العصر و اقوم اصحصح واشوف جنبي ثلاجة شاي وقهوة وفطاير

قلت اكيد في شي ...!!

واشيل نفسي على بعض واسوي بحث اول شي براا البيت مدري ليه اناظر الشارع وما يليه

وما في الا سيارتي القرنبع صافطه ....و داخل البيت ما في صوووت لا بزوره ولا قربعه صحون ولا حتى تلفزيون وقناة بداية

وامسك جوالي واتصل عليهم والا هم في ولاية بريكة طلعوا الظهر

تحسبوني ...زنت بعكس ,,دقيت على كل الدشير و ضبطنا الجوء وتعشينا وفلينا ابو ابوها ,,,مره كيرم ومرره بلوت ومره سوني ,,,,

مع اس تي سي الحياه اسرع >>>> اعلان مشروط علي خخخخخخ

وسلامتكم يا ربع و جمعة مباركه على الجميع

أقول ماشاء الله عليك أخوي عبدالرحمن !!!!!!!!!!!!!!

هلابك يا ابو فيصل نورت متصفحي >>> يا شيني لا قمت اهايط <<< مخاوي قحطاطين

أقول ماشاء الله عليك أخوي عبدالرحمن

العفو يا الغالي ومنور ابو حكاياتي ....لان تعرف خواطر وشعر مو ذاك الزود اللي فيني لكن في قرقره وهذره خذني معك لو تبي في سفر اونسك

!!!!!!!!!!!!!!

14 علامة تعجب >>>>> فااااضي


كان وفرت على نفسك ثنتين بريال




كن بقرب مني >>>> اقوووول على شحم

لا ضاااق صدرك اوصيك [[ افتح الباب [[ وسد الباب ]] وعندك واحد شاي يا فندم !!

لاتعاند يوم تدري في غرامك غرامك
وانت حبك صاير لقلبي عذابه
ياعذابي ضاق من صبري مكاني مكاني
ليه طيفك صار يوهمني بسراابه
لاتكبر جاي تبخل في سلامك
انت تبغي تفقد العاقل صوابه
يااناني اه منك يااناني اناني
ودي اعرف ليه قلبك صك بابه
بس لحضه قبل لاتبدي كلامك كلامك
كنت احسبك لارضي الجدباء سحابه
انت عايش للدقايق والثواني
وانا ميت انتضر منك الاجابه
لايهمك صرت في مرمى سهامك سهامك
وصرت جاهز والقهر فصل ثيابه
كنت ادري بس انا قلبي عصاني عصاني
ايش اسوي ماعرفت العشق غايه
فالنهايه هذا اناواقف امامك
وانت كيفك قلبي لك مفتووح بابه
لاتعاند يوم تدري في غرامك غرامك




<<< هذا جوي لا قمت اهوجس بخشتك :d

مابي منك رساله معايد !
..... اللي ابيه منك كلمه صريحه
قلي احبك وانشر بالجرايد
..... انا فاديك يامحرك القريحه





انا فاديك يامحرك القريحه
......قلي احبك وانشر بالجرايد
اللي ابيه منك كلمه صريحه
......مابي منك رساله معايد !


مهوب عاقل المتنبي في الصبح :d

تبي اعلمك وشهي معنى العطاله ..؟ ,,,, لا كنت فاضي بوقتك وجالس
مثل السكير لا وصل حد الثماله ..! ,,,, وحتى بنفسه ما صار حاسس


ومن اليوم بدينا عطاله