العاب رمضان ايام زمان

الله ذكرتنا

بأيام " بل الشرشف " وأعصره
وأحلى نومه على المروحه

كان المتطور عنده مكيف صحراوي

ولا أحلى
يا عمار يا أيام " البنانير "
حمر وخضر وصفر

صاقع محرق معشش أخير
" طيش "
ههههههههههههههههههههههه

ولعبة الطرد نروح من شارع للثاني وأحنا نلعب طرد
ويوم تطورنا
جبنا الرمان بلي " حدودي"

تأبط
تأبطتك أم 18 قول آمين

يا ولد لا تخلص علينا القمردين خلنا نموصه لك بماء و تشربه

طبعاً للي مايعرف معنى الكلمة الموص هي إذابة مادة جامده في مادة سائلة لينتج مشروب ذو نكهه معينه .

أيااااااااااااام ومفرداااااااااات جميلة

وينعاد عليكم بخير

الله يا زين ايام زمان ذكريات حلوه مرررره

لا فيه بليستيشن و لا موبايلات كنا و حنا صغار نتجمع و نلعب العاب حلوه
و جميله من البيئه حولنا نلعب سبع احجار و مقطار و كيرم

نلعب ماء و ثلج و غميمه و شرعت وبعضهم يسميها طيري

من الالعاب المونوبولي و هي تعتبر متطوره عند بعضنا

نتجمع العصر ونسولف و اكثرنا ما هو صايم لكن يسوي نفسه صايم
و تشوف براطمه حمر من شرب التوت

انا كان احسن شراب عندي القمردين
و كنت اسرق من البيت و اكله اكل و كانت امي تناديني و تهاوشني

يا ولد لا تخلص علينا القمردين خلنا نموصه لك بماء و تشربه

ايييييه ايام حلوه كنا نحتي بس من عنده عزومه حتى نتجمع و نلعب

و نتفرج بعد العصر على قرانديزر و اذا خلص تلقانا بالشارع
بس ياااع يااااه يووووه نكسر بعض نقلد قرانديزر
لكن انا كنت حاقد على دقفليد احس ان كوجي احسن منه

و نتسمع متى يدق المدفع و ياذن المذن حتى نركض نعلم اهلنا اذن اذن اذن
و على طول على السنبوسه و الفينتو

وقتها ما طلعت سنبوسة الجبن و التونة

و تلقانا ما نكمل فطور الناس تفطر و حنا بالشارع مهاوش و مطارد

اما بعد العشاء نتفرج على المسلسلات التاريخيه ثم نطلع بالشارع بسيوفنا الخشب
و نكسر بعض مصدقين نفسنا و حرب مع عيال الحارات الثانيه

يا ما تفلقنا و احسن لعبة عندنا بالليل لعبة النجوم و نسرق سلك جلي المواعين
و نحرق به و نلفه على شكل دويره و نولع بشوش بعض

و البنات ما عندهن الا لعبة طيري و حقرا بقرا

اييييه ايام حلوه خربها البليه البلا ستيشن

و كل رمضان و ذكرياتكم حلوه

و اللي عنده ذكريات

يبطحها هنا

ليتني الزمن يرجع

اقول لا تكون من جيرنا قبل اذنونا بسلك المواعين كل يوم ماسك بشوشه وحده من البنات ومحرقها
جميل أان يكون للانسان ذكريات مثل ماذكرت والله فقدنا اشياء كانت في قمه الروعه والبساطه ولكن نقول لكل وقت اذان وهذا وقت البلاي ستيشن

اللي يلعب طيري بعد الصرفه البنات فقط ممنوع إصطحاب الاطفال

حياك يا خيتي كنك كنت ساكنه بحي الكرهب تراه انا ما فيه الا و اشتكي مني
يا ليتنا نرجع صغار

شكراً لك أخي الكريم

ذكرتنا بالأيام الحلوة
،،
كل زمان و له ذكرياته
،،
و كل عام و المسلمين بعزة و تمكين

شكلك كنت مشرف عام من زماااااااااان

هههههههههههههه الحكومه هنا و كل عام و انت خبير يا مدير

يعطيك العافيه
ايااااام كانت حلوهـــ

اي و الله ايام حلوها مرت وين

يعطيك العافية بعد انت