من هــو الـشــاعــر ؟

يا سر



فـهـد المسـاعـد

.

قول صـح

.

أنـتــظرك

صحيح ابوشاهــر
المايك لكــ

.

شكراً يا سر

.

لكل من يتابع

هنا

.

من هو الشــاعر
.

راكـــب اللـي ما تجيــبه وكــالة بالبيـــد=ولا يجيبه بهبهاني ولا وضيـحي قطر
ادهمٍ وســم الجميــح على جنبه جديــــد=مهبل اللي يوم عرض يحسبنه شـــفر
جمــس شكــمانـــين ملقبينه بالوليـــــد=من سرابه ما يغبط القصيـبي والجـبر
كاتبينٍ في ضمــانه حديــــــده ما يبيـد=تمرةٍ قــاري عليـها حفيــد ابو بـــــكر
كن وجهه لا نطحته تشعشع صبح عيــد=وان قفيته كنه السيــل لا سـال وحــدر
وان عرضلك في مزاياه من عنق الفريد=وان ركبته تحسبنك على سطح القمـر
دقتــه نغمـة عبـادي علـى ســلم فريـــد=لا عزف الاول وجاوب على عاشر وتر
لا شتغل قالت شكامينه اركــد ياحديـــد=والقـــزوز تقول لــلقاع روح يا فــــــقر
كن الشكمان الايمن صدى عبد المجيد=وكن الشكمان الايسر صدى نايف صقـر
والبلوف تقول للكـهربه هل من مزيــد=والســـيور تقـــول للمروحه اين المفــر
تحت كبوته من الفـن طيران وعبيــــد=ما يغنون المسافه ولا طــــال السـفـــــر
كل اغانيهم على الدرب واصل ياعنيـد=لين تلفي قصر شيـخ على العليا شهـــر
سايقه من صلب ربعي وله باس شديد=ما يخاف البعد والليــل والموت الحمــر
من صناديد ال عرجاء هل العلم الوكيد=لابةٍ من جـن تمشي على هيئة بشـــــر

هذي
للكنج
ضيدان بن قضعان

.

يا سر


عط الحر فرصة

.

صح

والما يــك معاك


أنتظر الجنون

.

تحياتي

استــــلم

فتنة الحفـل زيـدي مشيتـك بختـرة=كل خطوة بروق وكـل لفحـه صهيـل
باقـي بيـن عقلـي والجنـون شعـرة=اقطعيها ياشيـن عاشـق مـو هبيـل
خلي الارض تاخذ شكـل غيـر الكـرة=خلي النار تاخـذ رمـز غيـر الفتيـل
من غدى الليل شعرك قلت انا بسهـرة=ومن غدى الصبح وجهك قلت مالي مقيل
ارقصي بيـن حـد الذنـب والمغفـرة=ارحلي في سكونك واسكني في الرحيـل
ارجفـي كنـك المـاء فززتـه حجـرة=واثبتي كنـك الفضـه بعيـن البخيـل
وانحني مثل غصن فـي طرفـه ثمـرة=واوقفي مثـل فزعـات بـدوي اصيـل
والفحـي علمينـا كيـف تقـدر مـرة=تزرع الليل صبح وتزرع الصبـح ليـل
فـي عيونـك سـواد يستحيـل اخـرة=كامـنً فـي بياضـاً اولـه يستحـيـل
واحـد تخزريـن ومـا يجيـك خبـرة=اشهد انه عزيـز واشهـد انـه ذليـل
اتـرك العقـد بيـن الجـد والغشمـرة=يخبر الناس وش معنى جميل في جميل
كن في الصدر ظبـي عيوننـا تذعـرة=ينتفض يذعـر الـي مذعرينـه قبيـل
ومفرق الصدر حبـة العـرق تجهـرة=كن لك عقد در وعقـد مـن سلسبيـل
بينهم حسـد ربـي بعـد مـا صـورة=عقـد وده يجـف وعقـد وده يسـيـل
اهـولا لمحـتـك مقبـلـه مـدبـرة=شفـت مثلـي نحيـل زم حمـل ثقيـل
دام ذا عجـز وش للنـاس بالمـقـدرة=دام ذا خصر وش لي بالخواتـم بديـل
وسط ثوباً خيوطه صمـت فـي ثرثـرة=بـه قليـلاً كثيـراً وبـه كثيـراً قليـل
كل شـيء بجسمـك يفضحـه يستـره=فيه فتنه قصير وفيـه حشمـت طويـل
كنه المخطـي الـي يطلـب المعـذرة=وكنه دامـح الزلـه عـن الـي يعيـل
في ردونـه نقـوش لـه سنابـل ذرة=الله اعلم لـو ان الريـح هبـت تميـل
كل شـيء ونقيضـه فيـك بالمسطـرة=اقرب من النفس وابعد من المستحيـل
كنـك الكـذب لكـن محـدا ينـكـرة=وكنك الصدق ولكن مافي يدينـا دليـل
باشت الغيـد زيـدي مشيتـك بختـره=لاجل اطاول بحرفي شامخـات النخيـل
شاعـر تلمـس ايدينـك علـى دفتـرة=تغرق في اوسط اوزانه بحـور الخليـل