تواصل ,, ضيف لهذا الاسبوع , ومعه يحلو التواصل..

ياهلا تواصل معك يطيب التواصل والله يعينك علينا يعنى حط فراشك خميس وجمعه عند النت
تقول مشتاق لنشيفه ولك احد عشر سنه يالقطوع س ماهوسبب هذه الغيبه س اذاتبغا تبيع المزرعه والبيت انا شراي ولك احترامى

السلام عليكم ورحمة الله وبركاته

حقيقةً قلم مبدع ومتميز يتحفنا باروع وارق الكلمات

تواااااصل

اهلا وسهلا بك

لن اطيل عليك ندخل بالاسئله على طووول

بس اول شئ جيب لك كاس مويه << وده ينشف ريقك

نبدأ بالاسئله الرياضيه

س 1 / اين موقعك في خارطة الرياضه ؟

س 2 / نادي سعودي تميل اليه ؟ ونادي اخر عالمي ؟

خلصنا من الرياضه ندخل بالاسئله العامه

س 1 / ما هي الحريه بنظرك ؟

س 2 / مشكله تؤرقك تتمنى ان تزول ؟

خلصنا من العامه ندخل بالأسله الثقافيه

س 1/ ما هما الاسودان ؟

س 2 / من هو مخترع الجاذبيه الارضيه ؟

<<تدري جيب لك جركل مويه

معليش على الاطاله ,,,,

تقبل تحيااااتي واحترامي لك

محمد الرموثي,,,

وعليكم السلام ورحمة الله وبركاته...

اقول ابو حميد فيه احد موصيك انت وسلمان ومحمود علي..!!!
ياولد تسألوني أسئله تقول اني مطفشكم وماصدقتو تلقون فرصه علي عشان تفشون خلقكم فيني

لكن عشان طيب بمشها هالمره لكن المره الجايه ماراح ادخلكم هنا..

نرجع لأسئلتك/

بالنسبه للرياضه..
جـــ1 /
موقعي طال عمرك محايد وغير متابع بشكل كبير انما مرور الكرام والسبب يعود لعد وجود المتعة الحقيقه الي كنا نجدها قبل عشر سنوات..


جــ2/
النادي المفضل
مافيه غير
النصر
وهو النادي العالمي ولو انه يزعلني لكن وش نسوي بالحب هو اللي مصبرنا عليه



خلصنا من الرياضه نروح لغرفه العامه.>>والله حاله يامحمد وش بلاك علي قاعد تجرجرني من غرفه لغرفه ..شويه رحمة ياراقل

جــ1
الحريه...
ان ماحد يسئلك وين كنت ومنين جاي؟؟؟


جــ2/
هــم العرس...


خلصنا من غرفه العامة نروح لغرفه الثقافه واللي شكلك مكمل دور ثاني وقاعد تذاكر قلت خلني اسئل تواصل..لكن انا راح اوريك وبغششك غلط عشان ترسب>>



جــ1/
الاسودان هما


((التمر والماء))


جـ2/

تصدق جبتها على نفسك..
ولقيت لي مدخل عليك..
وش رايك خلني ارفعك فوق واطلق ايديني عنك واشوف انت تطيح اولا..>>


هاه عرفت من هو//
ايوه ممتاز
وصح عليك نيوتن؟؟

::::::::::::::::::::::

مشكور اخي محمد وتصدق خلصت علبه ديو بس على أسئلتك وباقي وراك بالسراء سلمان ومحمد شكلكم تبون تخسروني كل واحد يبي له علبه ديو..

تـــــــــــــــواصل ..
.
.

ها أنا أعدت إلى هُــنـا مرهـ أخرى لكي أستمتع بهذا الحـــــــوار ..
،
،

1- أمنيه ودك تحققها لكن لسى ما تحققت..؟

2- مقولة تعجبك أو بيت شعر ..؟

3- ماهي حكمتك في الحياة..؟

4- هل تـشيد بالصـداقة عبر الشبكة العنكبوتيه ..؟

5- منظر تحب رؤيته ويعجبك ..؟

6- عطرك المفضل ..؟

هذا ما لدي الأن .. ولي عـودهـ أذا أتسع قلبك لأسئلتي ..

أطيب المُــنــى ،،

سلمان العرادي

هلا ومرحبا اخوي سلمان...

الله يعين عليكم

يالله نشوف وش عندك من اسعله...
بصراحه ذكرتوني ايام الاختبارات..

جـ 1/

الامنيه :هي الاستقرار والراحه..


جـ2/
اذا كنت في كل الامور معاتبا. صديقك لم تلق الذي لا تعاتبه

جــ3/
عدم اليأس والبحث عن الافضل

جــ4/
نعم وخصوصا انها لغه العصر واصبحت ترى وتسمع من تحادثه من خلالها

جـ5/

راجع اجابتي السابقه على سؤالك في المره الاولى..

جــ6/
العطرالمفضل(( هافين)) من عطور درعه


"""""""""""""""""""""
مشكووووور على أسئلتك
ولاعاد تعودها سلمان

تواصل هلابك أخوي...

أنت تعشق الرياض وانا ياخوك فيها من سبع سنوات وابي أطلع منها وماني قادر..

سؤالي

ماهو سبب عشقك لرياض وهل هناك قصه لهذا العشق...

تحياتي لك

تواصل ,

جب عندك سحلة موية << ناوي يطفشك اسئلة ,,

ســ1 . ماهو رايك بالمنتدى حالياً .. وماهي ابرز الايجابيات والسلبيات التي تراها ..؟؟

ســ2. الاوضاع الاسلامية من العراق الى لبنان .. هل اثرت فيك . وهل انت متابع لاحداث ..؟؟

ســ3. لو طلبك من ملك هذا العالم لمدة اربع ساعات فقط .. ماهي القرارات التي ستعملها ..؟؟

,

<< حدة 3 اسئلة . وتراي راجع ,..

.

تواصلـــ لكــــ الـــ

محمود ماهو علشانك انت اللي مستضيفيني تقعد تحللني ..


خلنا
نشوف وش عندك ياسيدي....وعساها ماهي واجد..

جــ1
المنتدى رائع واكثر من الرائع واتمنى نرى حضور اقلام ابناء بلي لأنه بصراحه يوجد شح بلا قلام في المنتدى.ونتم ان نرى افكار ومواضيع متيمزة والابتعاد عن كلمة منقول قدر الامكان.


جـ2
نعم ..ولو اني مللت متابعة الاخبار التي لاتأتي الا بمزيد من الام والحسرة بقلوبنا لننا نرى ولا نستطيع ان نفعل شيئ...سوى الدعاء لهم.


جــ3
تحرير الاقصى وتدمير اسرائيل وقتل رؤس الكفر والفساد.

ياهلا تواصل معك يطيب التواصل والله يعينك علينا يعنى حط فراشك خميس وجمعه عند النت
تقول مشتاق لنشيفه ولك احد عشر سنه يالقطوع س ماهوسبب هذه الغيبه س اذاتبغا تبيع المزرعه والبيت انا شراي ولك احترامى

هلا وغلا اخوي صالح
ونت الصادق مرابط عن النت وخاصه ان فيه ناس ماعندهم الا قصف بلاسئله الله يعين عليهم لكن انا اوريك فيهم واقول لهم ترو الدنيا دواره

اول شي بالنسبه للغيبه نضرا للضروف الدراسه والعمل من جهه ومن جهه البعد لأني في الرياض وكنت مقل حتى بحضوري الى تبوك اما مسألة البيع فهذه اقول لك مالنا نيه نبيع..هذه لنا وللزمن
وعلى الاق محتفضين بشي من املاك الوالد رحمة الله عليه.

وشاكر لك سؤالك واهتمامك