مداعبات شعرية(الشاعر الكبير حسن عبيد -الشاعر مشهور -هايل

شعر جميل وطيب من شعرا معروفين
لكن صدقني ياهايل
ان مهايطي الاماره راحوا بالمصالح
ووجهوها حيث يريدون
حقيقه نحتاج الى ناس من هالنوعيه
يحفضون حقوقنا لدى مركز الاماره
لكن الى الان مالقينا
تفكر لو سوينا اعلان.؟ ينفع؟
اما نسيم الشمال برضه راح علينا
ويالله حسن الخاتمه
لكل شاعر 3 وردات تقبلوها وتحياتي لكم

ابومشعل

ابو مشعل

اشكرك على المرور واشكرك على الورد
منك تعلمت حب الورد وحب النشيفة

النشيفة ام حنون انجبت ابناء كثر
منهم الصالح والطالح
انت من ابنائها الصالحين
لا نخشى عليها من العقوق وبصفتي احد ابناءها سوف ادخل دورة مهايطة بمجرد تقاعدي
وتقبل تحياتي

اما اشتري لي جيب حوض وغماره*وصير راعي ذود حول ابن دوشـه

ابو بندر هذا البيت الأقرب لك اذا ابو ثامر استمر على توجهه الحالى

مداعبات مميزه بين شعار مميزين لهم كل الحب والتقدير

مداعبات و مساجلات رائعة من شعراء مميزين و مبدعين

أبو بندر ، من القلب شكراً لك

وفقك الله

مشهور

تسألني الناس وين الشاعر الهايل = اللي معانيه موزونه ومليانه
مسؤل يسأل مثل ما يسأل السايل = وين انت يامن يطرربنا بقيفانه
لك فلسفه بالقصيد ولك صدى طايل = والشعر تقطف لنا من ورد بستانه

هايل

ذلول شعري عليها الشيل متمايل = حلالة القوم يامشهور عطشانه
لو سقتها للربيع الي قبل حايل = تبرك على العشب ثم تموت جيعانه
لكن على شانك ارقا الرجم واخايل = يمكن نسيم الشمال ايحرك اشجانه

حسن

مدري متى هايل يجي فالعماره = حتى نجي ونطالبه بالرشوشه
ما يسترح العاقل الا بداره = لونه على ماقيل غرفه بحوشه
اليا سكن ينسى هذيك الخساره = على نظر عينه يجدد عفوشه
يخش في جو الفلل والحضاره = ينسى الجبال الي نحلها يهوشه
دايم صديقي موقعه بالصداره = يضفي على الجفن القريب رموشه

هايل

متى مدير البنك يصدر قراره = حتى اعطي النجار باقي قروشه
من بعدها اصلي صلاة استخاره = قبل انشد العطار عن بردقوشه
اما اشتري لي جيب حوض وغماره = وصير راعي ذود حول ابن دوشه
ويمكن اصير مهايطي بالاماره = دايم ونا هواش مع كل هوشه
ويمكن يعينّي حسن بالسفاره = مندوب دايم للوجيه البشوشه

السرحاني


ياسلام عليك وعلى انتقائك ..


الله يعطيك العافيه ..


وهذا المتصفح يبغى له رشوشه


صح لسان الشعار مشهور وهايل وحسن ..


ابداع ليس له حدود ..


نتمنى المزيد ..


محبتي لك

أسعد السحيمي

اما اشتري لي جيب حوض وغماره*وصير راعي ذود حول ابن دوشـه

ابو بندر هذا البيت الأقرب لك اذا ابو ثامر استمر على توجهه الحالى

مداعبات مميزه بين شعار مميزين لهم كل الحب والتقدير

ابن قبلان
مرورك مميز (سفير احسن)

تقبل تحياتي

مداعبات و مساجلات رائعة من شعراء مميزين و مبدعين

أبو بندر ، من القلب شكراً لك

وفقك الله

موسى بن ربيع البلوي

ابو نادر

اشكرك على المرور
تقبل تحياتي