* (خاص ) جميع محاورات عايد السميري مع نخبة شعراء المحاوره

( 23 )


طاروق تعجيزي وكان البدع من عايد السميري
والرد من الشاعر محمد العنزي
وبطريقه جديده حاولت تمريرها على
محمد العنزي وبالفعل رد وبعد رده الأولى وضحت له الطريقه
وامام الجميع اعترف بأنها مشت عليه وهو شاعر كبير وقدير وقوى والا حاورته بالطريقه المعترف عليها . وبما أن هذا المتصفح ( حفظ حقوق خاص بي نقلتها هنا ولي مآرب آخرى ) اتمنى ان تجدون ماينال على رضاكم

.
.

عايد السميري

يامحمد/ يامحمـد ياصديقـي يابـن وايـل=مرحبا وأهلين فيك ويابن وايل كيف حالك ..؟
كان صدرك مايضيقي خاوني والشـك زايـل=وأسمع أسمع والوكاد الشك زايل لو طرالـك

وهنا رد الشاعر
محمد العنزي ...

ولكن لم يوفق وما انتبه لطريقه التي بنيت عليها الابيات

مرحبا بأهل الوفا والطيب في كل المسايل= نحمد الله يوم راس الطيب باقي راس مالك
يوم بعض الناس يارجّال مدري كيف قايل=خوّتك تبقى على العهد القديم وطاب فالـك

عايد السميري

يامحمد ياصديقي عن طريقي / لا تمايل= لا تخيب هقوتي بك لا تمايل / قلتها لـك
البحر لامن صفق موتٍ حقيقي / والدلايل=تتضح بكره ويثبت بالدلايل / رجل هالك

وهنا رد بالطريقه الصحيحه والتي بديت بها بعد ماوضحت له

محمد العنزي

يالسميري يا صديقي يا شقيقي / لاتخايل= كل مزنه فالوسيعه لاتخايل / شف بالـك
البحر كم فيه بحّار ٍ غريقي / كان طايـل=وراح علمه من بعدما كان طايل/ ما تمالك

.................................................. ..........



توضيح الطريقه على البيت الأولى البدايه

اربع وقفات


يامحمد/ يامحمـد ياصديقـي../ (يابـن وايـل)
مرحبا وأهلين فيك (ويابن وايل) كيف حالك ..؟
كان صدرك مايضيقي خاوني( والشـك زايـل)
وأسمع أسمع والوكاد (الشك زايل) لو طرالـك

( 24 )

محاوره مع الشاعر القدير / ذيب البلوي





( ذيـب البلـوي)

سلام الله سلامن فيه معنى والسعد يبـراه=على روس الرجال الي تود العلم وتجيبـه
نزلنا في حلال الشعر والي خاض في معناه=يعرف الصادره والعلم مايخطيه ويصيبـه

(عايد السميري)

هلا يامرحبا ترحيب ياصـل لـك قبـل تقـراه=وتقـراه ويزيـد القـدر والمقـدور والهيبـه
نزلتم في حلال أهل الشرف والعرف وأهل الجاه=وكل(ن) حسب منطوقه نقنـن لـه مواجيبـه

(ذيـب البـلوي)

يدوم ألك البقى والذيب في قمت جبل ماطاه=يجر اعـواه يـعايد وفـي عالي مراقـيبه
احد يحّرص على شوفه واحد يحرصّ على فرقاه=ترى الطـرقه طويـله والخبر لابد توحيبـه

(عايد السميري)

ترا إن الذيب لنه شم ريـح الملـح راح عـواه =وانا برميـك طلقـه واعتبرهـا شبـه تجريبـه
احد يفرض وجوده فرض واحدٍ بين ليه / وهااااه=وراع الطيب غصب نقول عنه ( ونعم ) من طيبه

(ذيـب البـلوي)

هذاك الفارس الي يطرح الشاره على م رما هـ=ماهو بلي سيــوف القـــوم ممرتن عراقيبـه
اضن الــــــي ورد للعد في دلون طويل رشاه =هذاك الــي ليامنه ورد تصفي مشـــاريبـــه

(عايد السميري)

قليل العرف لامنّه سراء يرجع علـى ممشـاه=ولا يرتاح ليـن يضـوي لعربانـه مصيبـه
ياذيب اكرب حزامك واحترص لا تطيح بالمثناه=ولا تدلي بدلوك فـي قليـبٍ يجهلـك غيبـه

(ذيـب البـلوي)

وسيع المعرفه منهو يسايرها على مسراه=مدام الضيف مرهون وفي حكمت معازيبه
اثر ماكل بابورن على الشاطي يجي مرساه=يحول من ورى الغبه ومــــوج البحر يقفيبه

( 25 )

طاروق مع الشاعر الكبير / أبو تركي

بتاريخ 6 ـــ 2 ـــ 2009

أبو تركي

ياسلام الله سلام(ن) يعم الحاضريـن=من هجوس(ن) ساع ماحركت موجاتها
يالسميري غايبن لك ليالـي ماتبيـن=وانت رجلاً غيبته تنحسـب لحظاتهـا

عايد السميري

بالنيابه عن رجالٍ على تقوى ودين= مرحبا .. واللي على البال هيا هاتها
في محل العز ناظر وتلقاني يميـن=وفرصه تفوت إبن أدم وفرصه فاتها

ابو تركي

البقا بك رجل غانم وربعك غانمين=عزوت(ن) وقت اللوازم لها وقفاتها
نعم والله لكن مما حصل مستغربين=العرب في غيبتك كثـرة نشداتهـا

عايد السميري

ماعليكم زود ياصحابنـا ياطيبيـن=والعصا راع الوفاء ماسكٍ مثناتهـا
ليه تستغرب وانا خابرك رجلٍ ذهين=والعرب نياتها مثل عـرب ساتهـا

ابو تركي

ودنا نمشي سوى ياعسى ربي يعين= والعلوم تجيك ياذيب في حرواتهـا
العرب نياتها بين زين وبين شيـن=يا عسى حسناتها تكتفـي سياتهـا

عايد السميري

سرها مسرى الذيابه ونطحها البطين=وانتبه من جور بقعا ومن صكاتهـا
يابو تركي دايم الحق مايرضي أثنين=والأوادم حيهـا مايـزور امواتهـا

ابو تركي

وص نفسك ياعميلي واناجنبي متين=والله اللي يجزى الأنفس حسب نياتها
إتبع للحق والحق كالنـور المبيـن=واحيا الأنفس تنفع امواتها دعواتهـا

عايد السميري

ياعميلي نعرف أهل الحسن واهل الحسين=وانت لا تامـن لياليـك مـن دوراتهـا
والله إني قارين في ريـاض الصالحيـن=والقضيـه خلهـا وســط ملفاتـهـا

ابو تركي

الليالي غيبها عنـدرب العالميـن=والرجال المومنه ثابتـه خطواتهـا
انت عارف يالسميري وحنا عارفين=قول مثلك خلها هو سبب نكباتهـا

.

.

( 26 )



عايد السميري
و

شاعر المحاوره المعروف : عبد الكريم الصويدر


عايد السميري

على وضح النقى واللي يسرحها يضويها=هلا يامرحبا بك يابو عاطف والعلوم جداد
عليك الله تقول ايش السواه اللي نسويها=بعد دارت دوايرها علينا والسيوف حداد

________________________

عبد الكريم الصويدر

عسى فيك البقى في ماضي القصه وتاليها=اقوله يالسميري صاحبي والملعبه والماد
تبي مني نصيحه خلهـا تبـدي مباديهـا=انا مابيك تهجرهاوتطلقهـا بـدون قيـاد

_________________________


عايد السميري

يقولون العرب من شب ناره ينشوي فيها=وانا أقول العرب بكره يجيها الشيخ والجلاد
سمعت العلم لكن ليلـةٍ تتعـب مساريهـا=وملينا نحسب أيامنـا هجـري وبالميـلاد

__________________________

عبد الكريم الصويدر

سلمت ولانهدمت وناركـم مانـي بواطيهـا=أنا أقص الطريق وعارف الصادر من الوراد
ترى بعض الاوادم لو تنادي ملتفـت فيهـا=لوكانت ورى البصره ولو كانت ورى بغداد

__________________________

عايد السميري

عميلي ياعميلـي والمعرفـه حـظ راعيهـا=انا ادري بك فطين وتعرف المصدار والميراد
اليا نـادا المنـادى مانحسّـب وش تواليهـا=فعول اجدودنا نمشي عليها والحيـاه أجهـاد

____________________________

عبد الكريم الصويدر

ترى إن الملعبه ياصاحبـي بأحلـى لياليهـا=مثل هاك الذلول اللي عليها خرجها وشداد
احد ماسك رسنها و احد يمسكها ويخطيها=احد ماهو حواليها ورى هاك الجبل منغاد

( 27 )


طاروق مباشر بتاريخ 22 / 12 / 2008 مع شاعر المحاوره المعروف عايد العنزي

عايد العنزي

الله يبارك بهـذا الصـرح ويتمّـه= اللي على الدين وافكاره حضاريـه
ياعايد اترك مصافح بايـع الذمّـه=سلم على اللي عطى بوش الوداعيه

عايد السميري

الله يبارك بمن هو عالي الهمّـه=والله يحييك والعملـه سعوديـه
ياصاحبي لا يغرك من ضرب عمّه=شغل العماله كذا بنهايـة الهيّـه

عايد العنزي

كان العصابين بالموضوع مهتمه=لاتزعجك ردّة الفعـل الطبيعيـه
كم واحدٍ ماينام ويحتـرق دمـه=والصبح يجمع ملفات الشريطيه

عايد السميري

لو ماعرفك ( يا عنزي ) لضوّي مطمّه=لقول شرقـي ومرضعتـه حساويـه
قال المثل : كل واحد مشغلـه همّـه=واشياء ماتلزم وفيه أشياء ظروريـه

عايد العنزي

مدام كلٍ مسح دمعه طـرف كمـه=اقول شكرا على الروح الرياضيـه
اللي لياشاف حلو يقول ( ويل امه)=هذاك يحتـاج دوره بالرومانسيـه

عايد السميري

مدام : عينك تخمش النـوم وتخمّـه=اقول عفواً . . يابو سرعه جنونيـه
انته شمالي ماضنـك تلعـب الدمّـه=وبعض السوالف تجيب إلي الحساسيه

عايد العنزي

ياعايد الوايلي عينك على القمـه=بعض المواضيع ماهي ذات اهميه
ماني يماني يعبد القات والشمـه=اللي يحسب ان فقد العقل حريـه

عايد السميري

ياعايد ( إبن قضاعه ) والجبل زمــه=العمر يحسب ولا يقسم علـى ميـه
الحوثي اللي بصعده لو بلـع سمّـه=يقـول لا بـارك الله بالزكرتـيـه

( 28 )


محاوره بتاريخ 19 ـــ 11 ـــ 2006

بين الشاعر الكبير .. عبد الله مناحي منقره .... و عايد السميري
.
.
.



الشاعر : عبد الله مناحي

ياعايد طيور الصيد جت بينها طيور=عليها جناحيـن وبليـا مخاليـب
ياعايد ترى ضيف المعازيب مجبور=ينفذ جميع اللي تقـول المعازيـب

عايد السميري:

طيورٍ تفرفش بعد ماشافت النور=حداها الظلام وليلها ليل يالذيـب
على منهج الأجداد ياوافي الشور=عرفنا الوجيه ولا جهلنا المواجيب

عبد الله مناحي:

انا اشهد شهادة حق ما خشها الزور=غشيم الرجال يقّلب الهـرج تقليـب
مادامك عرفت الحق والحق منصور=تطلع وشوف الراس خل العراقيـب

عايد السميري

مصيبه ليا خاويت لك شخص دنقور=يحدك على العفنه ولا يعرف العيب
ترى الادمي يافلان منهي ومامـور=وياجعلها عبره ودرس وتجاريـب

عبد الله مناحي

ما دامك قبلت بخوته والرحى يدور=تبا اللحيه الحره تفـك الاشانيـب
تقوله وانا راسي من الشيب مفرور=تقوله وانا مفرور راسي من الشيب

عايد السميري

حدانا الخلا لمجالس العمـي والعـور=بليله قمرهـا يطلـع أحيـان ويغيـب
اقوله نعم وارض الصبخ نبتها بـور=أقوله ونبت ارض الصبخ بور مايطيب

الشاعر: عبد الله مناحي

اظنك تعـذر بـس منتـه بمعـذور=نجوم السما واجد ولافيـه ترتيـب
ومدامك حرثت الارض والحب منثور=تبا تحصد اللي تزرعه ما بها ريـب

عايد السميري

ياشيخ الله يسلمك للنـاس دستـور=وبعض الهقاوي صيحة ضحي وتخيب
حصيل المحاصيل أصبح أبطن هامور=يابن منقره .. والناس ماتعلم الغيـب

الشاعر: عبد الله مناحي

مادامك قريته لا تحول عن الكـور=ترانا من أول كسبنا شمّخ النيـب
طمعكم بدنياكم سبب علـة الـزور=محد قال للمصدور يدخل مع السيب

عايد السميري

سمعت الوصاه ويا أبيض الوجه مشكـور=وقل يالله إن ترحم عطيـب المضاريـب
حدتنا السنين الجرد .. / وأمور .. وأمور=ونحسب سراب اللال صافـي مشاريـب

الشاعر : عبد الله مناحي

عسى الله يرحم كل مـن كـان لـه دور=في لطم الاعادي من شيـوخ الاجانيـب
طردت السراب وصرت في وضع محظور=وتركت المياه اللـي عليهـا الاصاحيـب

عايد السميري

لو إن المسافه بيننا أيـام وشهـور=ما كان العزاء بيني وبينك مكاتيـب
تقوله وكلٍ تقل فـي وسـط تنـور=وياااااا خوفي إنك من كبااار الواهيب

الشاعر: عبد الله مناحي

لو ان المسافه بيننا بر و بحور=عن القلب تبعد مثل مايبعد الجيب
اقوله وانا للجرح مرهم ودكتـور=في يوم الجروح يعجزن الاطابيب

عايد السميري

صحيح : البنادق بين الأخوان ما تثور=ومد اليمين وصاحبٍ قابـل أصحيـب
لكنّ الطبيب اللي من الشعب مقهـور= يبا يصير للموت المحقـق تسابيـب