( 37 )
محاوره بتاريخ 20 / 12 / 2010
جمعتني مع الشاعر المعروف / ناصر عليثه المحياوي الجهني
ناصر المحياوي
يقولون السميري في ( سواد العين )=وأنا أقـول السميـري صاحبـي وينـه ؟
ابا انشد صاحبي عن غيبـة العاميـن=وبـلـي تـنـشـد مـثــل ماتـنـشـد جهـيـنـه
عايد السميري
على وضح النقى ياصحابنا الغالين=وصلنا والصدوق تشوفنا ( عينه )
قبل لا تنشد الضيفان قول أهلين=وزينة كل شي إن جاك في حينه
ناصر المحياوي
مشاريهك ياعايد خلها بعدين=وأقول ابشـر تراهـا كلهـا زينـه
وحـنـا نعتـبـرك مـعـزب الافـيـن=واثرك الضيف ومدور محيينه
عايد السميري
على الحيين تبقى شرهة الحيين=ومن مد اليمين الله لايهينه
ياطيب الكلمه اللي عمله بوجهين=ولو تصعب على اللي .. ربي يعينه
ناصر المحياوي
ياطـيـب أصحابـنـا لاكنـهـم شـرهـيـن=يـبـون أكـثـر مــن الـلـي مستحقيـنـه
وأنا خائف ليا زعل الشريف حسين=يـــبــــي كـــلــــن يـقــفــلــه دكـيـكــيــنــه
عايد السميري
مشارهنا على اللي بالزوم يبين=وناصر ليته يزكي بعارينه
ياسور الصين تبقى إعجوبة أهل الصين=من السبعه وهو مبني من الطينه
ناصر المحياوي
أنا أشوفك تهوم السيف أبو حدين=واخاف شوي تجبرنـا علـى الشينـه
ولــو زعلتـنـا جــاك النـهـار الـشـيـن=ولا طــاح الجـمـل كـثـرت سكاكـيـنـه
عايد السميري
الا ياصاحبي يامعرب الجدين=لا تصبح موتر(ن) لاذع بليتينه
اليا من ضاق صدر الطيب من حرفين=عزانا في زمن هذاي موازينه
ناصر المحياوي
والا يالحاشي اللي من ثلاث سنين=تـمــر الــبــل وهــــو بــــارك امكـيـيـنـه
يالـو مـا شرهـت الاقصيـن والادنيـن=تـحـصـلـنـا مـــــن الــبـــارح مـذكـيــنــه
عايد السميري
أنا أحسّبه شاعر واثره مسيكين=يابا ( أم أرقيبه ) وهو من مزايينه
ترى ذكرتني في قصة أم قرين=وضحكت من الكذوب ومن براهينه
ناصر المحياوي
مزحنا والجماعه شكلهم صلفيـن=وعـايــد والله أنـــي مـــن محبـيـنـه
وحنا صف واحد ما يصير أثنين=قضاعه صف ثابت فـي ميادينـه
عايد السميري
على ظنك ونبقى أخوان ساس ودين=وناصر والله إن ديني على دينه
صدقت من الزمان اللي مضى للحين=قضاعه سيفهم بالفعل مروينه
رد: * (خاص ) جميع محاورات عايد السميري مع نخبة شعراء المحاوره
رد مع اقتباس
المفضلات