ذبيح القدر

اسعد الله اوقاتكم اخوانى خواتى وجعلها عامرة بالايمان والخير والمحبة,,
:
حبيت ان اقدم لكم اليوم قصيدة محزنة جدااا =( وان شاء الله تعجبكم

بعنوان |--*¨®¨*--|ذبيح القدر|--*¨®¨*--|



هذي قصيدة تحكي معاناة إنسان , بسبب غلطة غير مقصودة , انتهت حياته !

سلطان بن رباح

كان له أخ لم تلده أمه , أخ دين ودنيا

هو محمد بن عقيل

كانت أخوتهم على وضح النقى , من زود ما يغلي محمد سمى ولده البكر محمد على اسم خويه !

كانوا يعشقون الصيد , وفي رحلة من رحلاتهم كان محمد يصلح الغداء , وسلطان ينظف السلاح , ومن غير قصد !

وبدون علم بوجود الطلقة بمخزن السلاح ! انطلقت الرصاصة لتسكن في قلب محمد وترديه صريعا

لم يكن عندهم أحد , ووضع سلطان بالسجن .........


إليكم التكملة مع قصيدة احزنت قلبي..
يا فلاح الهـم خيّـم فـوق قلبـي يـا فـلاح
كيف تبغاني اسولـف وانـت خابرنـي عليـل


ويش قولك في عليل ٍ في حياتـه مـا ستـراح
تنتثر دمعـة عيونـه لاظلـم الليـل الطويـل


حالته لا ما تباعد حـال ( سلطـان الربـاح )
بالخطا راحـت حياتـه والخطـا مالـه مثيـل


كان ويّا صاحبـه اثنيـن وفـي أرض ٍ بـراح
يطردون الصيد دايم من صبـح ليـن المقيـل


اجمعتهم صحبة الدنيـااا علـى جـد ومـزاح
مـا يهابـون الليالـي والحمـول اللـي تميـل


ما قتل عامـد ولكـن ثـوّر ابليـس السـلاح
بالخطا ثـار السـلاح ويـن يلقـى لـه دليـل


انعقد سجنه .. وربعـه تنتظـر فـك السـراح
والاكيد انه سجين وما رضـووا ربـع القتيـل


هل دمعـه يـوم صلّـى ركعتيـن فالصبـاح
في نهار الجمعه اللي مـن ثقيـل ٍ فـي ثقيـل


هلّل وكبّـر .. ونفسـه تذكـر اللـي راح راح
كان في ربعه عزيز .. وذلّـه الوقـت الذليـل


(لا محمد لا تهانـي لا سعـود ولا صـلاح )
كلهم كانوا على بالـه وهمّـه فـي ( هديـل )


طفلة ٍ مـا كمّلـت عاميـن صايبهـا كسـاح
وانتثـر دمعـه وحالـه مـن سبايبهـا نحيـل


حان تنفيذ القصاص .. وغطوا الراس بوشـاح
وجاك سيّافه يشيل السيف ابـو حـد ٍ صقيـل


ارتخى راسه .. وزاد الموقف الحامي صيـاح
بين نوح وبين دمع وبيـن صيحـات وعويـل


وارتفع صوت الحشود .. وزاده محمد وصـاح
يا يبه تكفـى دخيلـك تستمـع قـول الدخيـل


يا يبه وشلون نصبر كيـف نهجـع بارتيـاح
وانت من دنيااا عيالك ماخـذك مـر الرحيـل


يا محمد .. هاك علمي واحفظه قبـل المـراح
انتبـه لاخوانـك وبالـك عليهـم لا تعـيـل


والله الله .. فالصـلاة وفالصيـام وفالصـلاح
والله الله .. ف( امكم ) والله لكم بعـدي كفيـل


غمّـض عيونـه ونفسـه تطلـب الله السمـاح
رافـع ٍ سبابتـه .. ( مظلـوم ) والله الوكيـل


سل سيّـاف الصفـا سيفـه ودقـه ثـم طـاح
راس (سلطان المراجل ) وانتثـر دمـه يسيـل


غسلوه .. وكفنوه .. وفاح طيب السـدر فـاح
وبالمصادف صار قبره جنب قبر ( ابن العقيل )


يا فلاح .. الكارثه ما هي سوالـف يـا فـلاح
خلنـيساكـت ودوّر غيـر هالقصـه بديـل
http://www.dawah.ws/sounds/0080.RA?
(( المصادفة صار قبر سلطان في جنب قبر محمد .....!!!! )) :


الله يرحمهم ويغفر لهم ...... ويرحم موتانا وموتى المسلمين ...

اتمنى ان تنال اعجااابكم
منقول

الله يرحمهم ويرحم جميع اموات المسلمين ..

قصه محزنه ومؤثرهـ ..

شكرا لك اخوي سامي علىآ موضوعك الجميل ..

تقبل تحياتي ودمت بكل ود

[blink]
بارك الله فيك أخي الغالي عاشق


رحم الله المسلمين


مشكور أخي الغالي على المرور وتقبل احترامي وتقديري وشكري
[/blink]

رحمهم الله واسكنهم فسيح جناته قصة حزينة ومؤثرة جدا

يعطيك العافية اخوي سامي على القصيدة

[blink]بارك الله فيك أخي الغالي بلال


رحم الله المسلمين وكفنا الله شر اليهود والنصارى الحاقدين


مشكور أخي الغالي على المرور وتقبل احترامي وتقديري وشكري
[/blink]

الله يعطيك العافيه ياارب

قصيده تحزن مره