يالحر

قصيدة في حفل العميد ناصر محمد الوابصي تكريم للعميد علي ناصر الوابصي


واعتذر عن الغياب والانقطاع عنكم لظروف ومشاغل خاصه

ياالحر عند اللازمه جت عزاويك = خـلك همـام وقفتـك مستعــده

تشـــد حيلك والاصايل تباريـــك = كـلا يبـا العليـا لـو الود وده

منت ابخلا ترى الاصايل تبارك = كلا يبا العليا لو الود وده

ون ما اتجمل ياكحيلان راعيــك = انا الي شفت الرداء فيك ضــده

ماني الى بان الرداء فيك قانيك = اطلق صراحك بالفلا المجرهده

وياناصر محمد على شان داعيك = جبنا المطايا وعتلينا الاشــده

نشــدها يا طيب الفال ونجيــك = لجلك عزيز ومطلبك ما نـرده

نجيك في حفلة زميلك بناخيك = ماعنك والله يبيض الوجه صده

يستاهل التكريم مندون تشكيك = علي سليل الجود من ساس جده

زين النبا فلة حجاجه تحييك = بالجود ابو ناصر يمينه يمده

وانت كريم وكلنا نفتخر فيـك = ابيض مصقل للمواقف نعده

ابوك يا الصقر النداوي موصيك = على المكارم وانت لبوك نّـده

مكارم الاخلاق جوهر مباديك = والناس كل اللـي تشوفه تعــــده

عز الله انه يرفع الراس طاريك = عزوه لربعك يوم بالوقت شده

الله يبو فيصل يوفق مساعيــك = ويبارك بعلمك وعمرك يمـــده

ونعم بكم جميعآ
وصح لسانك يالغلا
واهلا وسهلا فيك بعد الغياب

صح لسانك طال عمرك
ونعم والله بالجميع

ياهلا ياهلا ياهلا ياهلا

حياك الله شاعرنا وأستاذنا القدير أبو كرم

وصح لسانك مليووووووووووون

وعز الله يابو كرم مشتاقين لك وللجزلات اللي تروينا شعرنا

وتكفى تكفى تكفى لا تغيب علينا

لأن وجود اللي مثلك وشرواك بيننا فخر لنا ومدرسة شعرية نتعلم منها جميع

يا هلا وغلا
يا مليون مرحباً
عوداً حميداً وكلنا شوق لك يا الغالي

صح كلك وصح لسانك وبيانك
ويستاهل الممدوح المدح

من أسعد اللحظات وجودك بين إخوانك

صح لسااااااااانك