امانه تبوك تعايدني قبل العيد00000000بس عيديه خاصه

بسم الله الرحمن الرحيم
والحمد لله رب العالمين والصلاه والسلام علي سيدنا وقدوتنا محمد بن عبدالله عليه الصلاه والسلام
اما بعد

حصلي موقف ليله العيد وحبيت انقله لكم ممكن للفائده او العبره واخذ الحذر كنت راكب سيارتي ومتجه للسوق مع والدتي لشراء بعض الاغراض الخاصه بالعيد حلااوه والخ 0
المهم مررت بشارع في حي الدخل المحدود الاول واخوكم سرحان ومبسوط لان ليله العيد لها فرحه خاصه والواده جالسه تسولف وتقول نبي ونبي ودني وجيبني الله يطول عمرهاا
مادرينا غير وحنا طايرين بسيارتنا يوم طبت السياره وغير العقال والشماغ بجهه المهم تطمنت ان الوالده بخير
بس عارفين وش طيرنا مطب( لا جبل مزروع بالشارع )لا علامه ولاتلوين يوضح ان فيه امامك مطب صناعي المهم السياره انكسر فيها حديده من تحت ماعاد تمشي
واتصل علي صديق لي ينقفذني ويوصلني للبيت مع الوالده وماقصر الله يبيض وجهه وبلش في سحب السياره والناس في عيد ولا فيه ورش تستقبل احد
ياناس هل يكلف الامانه بدهن او وضع الوان علي المطبات الجبيليه بالشوارع (نسيت اقولكم ان اضاءه الشارع كانت شبه معدومه )
نفسي ان الامانه تشوف الدول الفقيره وشلون شوارعها مرتبه ولواحات ارشاديه وشغل صح مدروس بدقه مو مثل مطباتنا واحد يشيلك واحد يحطك هههههههههه
واخوكم من لموزين لموزين يوم العيد <<<< ناوي ارسل الفواتير التنقل للامانه < غن مطولك ياليل هع
وتقبلو تحياتي ونفسي اسمع ارئاكم

بنسبه لشوارع تبوك لا تعليق

ان عديت من الحفريات ما تعدى من المطبات

يارجال شوارعنا يزفلتوها اليوم وبكره يحفروها يقولون اصلاحات ..

وكل شارع حفره او مطب بدون علامه تحذير

كل الشوارع مطبات

كاااا الله في العون اخوي مشاري

شوارع تبوك والحفريات والحواجز المنتشره في اغلب الشوارع موجديده

وسبق ان قمت بتصوير كذا حاجز وشارع وتم نشره ووصلت حق الامانة لكن لافائدة

ومع ذالك مستمر في النشر حتى تشتغل امانة تبوك بضمير

اخوي مشاري اولا الحمد لله على سلامتك وسلامة والدتك هذا اهم شي
في شوارع تبوك خاصة الاحياء الجنوبيه وما جاورها من احياء النهضه والروضه الخ...........
تتوقع اي شي لأنه مافي اي اهتمام من البلديه ولا من المواصلات كل شي مهمل انظر للاحياء الاخرى مثل المروج والورود الاهتمام فيها زايد لأنها تضم كبار المسئولين والشخصيات ويضربون لهم الف حساب.........
وكل عام وانتم بخير...........