الخطــــــــــــــوه

الخطوه الي عن الهمات مقصـــــوره =وقفت بنص الطريق وتشكي اتعابه
ليــــــل ورياح ورعد واوراق منــــثوره =وجدار مكسور بين الشط والغــــابه
خيـــــل وضباب ومحارب مالقى دوره =بالمعركه غر من سيفه ومحـــرابه
ماضيه مرعب يخـــــاف يعيد ســيوره =ولو كان جمع قواه الخوف ينتــــابه
احروف تسكن وبعض حروف مجبوره =وحروف تسأل ولاهي لاقيه جــابه
وارقام تجمع وتطرح فوق ســــــبوره =متباعده عن بعض والحل متـشابه
صوره من الأمس تعني بنت مغـروره =الي تشوفه تريد اغراه واعــــجابه
وصوره تعبر عن اللي فاقد شعـــوره =عالج جروحه ومات بطعنة احــبابه
اثنين واحد عنيد وما سمع شـــــوره =واحد تحطم قبل لا يصفي احسابه
الأول ابدى رضاه بحال ميســــــوره =ولو كان صح الصحيح اخطاه غــلابه
والثاني اعلن يصلح كاس مكـسوره =وبدايـــته هي نهــــاية ما تمنــــابه
دنيا عجيبه بحكمي تشبه الصــوره =مرات تصدق وبعض احيان كــــذابه

الشاعر| زايد الزبني

صح السانك

قصيده تروي الذائقه حقيقه

تحياتي لك

صح لسانك

ويعطيك الله العافية

شكرآ على مرورك اختي الرواسي وصح بدنك وبدعمكم يستمر العطاء

يعطيك الف عافـــــــــــــيه على القصيده الاكثر من رائعه....تقبل مروري اختك شموخ انثى

الله يعافيك اختي / شموخ والقادم اجمل ان شاء الله