لولآ المـــلامه..!

السلام عليكم ورحمة الله وبركاته

لولا الملامه وخوفي الناس يدرون = لكتب على جدران بيتك .. أناني
وأنظم قصيده وأجعل البيت موزون = فيها من الشلفات فكر ومعاني
وابدآ بقصه زلزلت قلب مفتون = عنوانها ( أكبر غلط في زماني )
قربك وحبك والنظر في هالعيون = حلم ٍ حلمته وصرت منه .. أعاني
وسرّ الهوى من بيننا كان مدفون = ما يعلمه ياكود خالق لساني
حسدت نفسي وصرت هايم ومجنون = وأعطيتك أحسن من مكانك مكاني
وحسّـنت ظني فيك والشك مغبون = ماله مكان بداخل القلب.. فاني
وأنكرتني يوم ( الزمن ) فاقد النون = وجرحت في خنجر غلاك المحاني
وخليت أطفال المحاني.. يصيحون = وأثر البلى في قلبك اليوم (ثاني)
صرت أتلفـّت من بقالي بهالكون = غير السراب يقول انه.. بقاني
ماغير أنا وقطرات دم ٍ يهلون = وفكر ٍ عوج أليا عزمت يعصاني
ليه الوفى والصدق عندك يهونون = ليه الهجر يقطع طريق الأماني
وليه الغدر ويـّآ الخيانه يهنـون = (شيطان فكرك) لاتمرد وجاني
ياشيخ انا الغلطان فكره.. ومضمون = رميت قلبي بين .. يَدّين جاني
ماكفـّته جرح المشاعر ولا حزون = هدّت صروح الحب داخل كياني
كبّر صغيره وإختلق شك وظنون = حتى من النظره البريئه .. نهاني
أصدر قراره للأسف كان مشحون = وخلاني في صفحات سود وطواني
تبي الصراحه ! روح.. ماني بمسجون = والقلب للي بالمحبه شراني

\
/
\
وسلامتـــكم

(أكبر غلـط فـي زمانـي )


الشاعر / اسعد السحيمي

صح غلطك قبل صوابك


الله يطيب خاطرك



قصيدة حاضرة وملفته

حضور وتفرد بالجزالة


تحياتي لك

دمت بخير

لكتب على جـدران بيتـك ..

أنانـي

أسعد السحيمي ابدعت بكلمات خارجة من القلب

ننتظر جديدك دأئمأأأأأأأ

ابدااااع
تميز
صح لسانك

صح لسانك وسلم بننا نك
تقبل الموده
الزاد

اسعد ابراهيم

صح لسانكـ ويعطيك العافيه

دائمن رائع