هل ابليــــس يريد مغادر البلاد لأنه لم يجد عمل..؟؟

هل ابليــــس يريد مغادر البلاد لأنه لم يجد عمل..؟؟

كان في غرفته, يلملم ملابسه في حقيبة إلى جانب باقي متعلّقاته,
على المنضدة القريبة كانت استقالته موقّعة ومختومة حسب الأصول,
وبجوارها تقبع تذكرة طيران
(ون-واي تيكت)
إلى جزر القمر.

كانت ملامح وجهه في تلك اللحظات تنطق
بالحزن, الكآبة, الإحباط, اليأس, وقلّة الحيلة...
مع دهشة مزمنة ارتسمت عليه منذ فترة ليست بالقريبة,
واعترافٍ بالعجز والفشل.
إبليس راحلٌ عن بلادنا إلى غير رجعة...
فليفرح المؤمنون...

- وين يامسهّل يا كريم؟
ليش عم بتضبّ اغراضك؟
- يازلمة ماظلّ لي قعدة عندكم,
إلي سنين عاطل عن العمل وقرّبت أموت من الجوع..
ما بلاقي معك سيجارة ياخوك؟
مش قاطع فيكو لا وسواس ولا خنّاس!
كنت زمان بوسوس للوحدة تسيب ابنها يعيّط ..
وهي بتحكي مع جاراتها, هالحين صاروا لحالهم يرموا اولادهم في الحاوية أوّل مايجوا!

كنت أوسوس للواحد ينسى يسمّي الله قبل يأكل, هالحين بطّل حدا لاقي شيء يأكله!
يازلمة إذا أنا إبليس تسمّمت بالشاورما والسندويش!
كنت برضو بوسوس للشب يرميله كلمة ع البنت وهي ماشية بالشارع,
لكن الحين صاروا البنات يطقّسوا ع الشباب بكلام أنا نفسي بستحي أحكيه!

واحد بسرق 60 مليون دولار عينك عينك بحبسوه 3 سنين في فيلاّ ع الشطّ ,
وتنين بنبشوا في مكبّ الزبالة بتطخّ عليهم الشرطة ويقولوا عليهم حرامية,
إنتو بدّكوا إبليس إنتو؟!
صار عندكم فائض في الفساد بكفّي 30 سنة لقدّام, صرت أخاف على حالي ومستقبلي منكم!

يازلمة مرّات بضطرّ أوسوس بالشقلوب وأقول للمسؤول إرحم وللحرامي بكفّي..؟؟
خلّي شويّ للحراميّة اللي رح ييجوا بعدك!
يعني إذا إنتو لحالكوا إسم الله بتعملوا كل هالبلاوي,
أنا إبليس شو بدي أعمل؟
أشتغل سواق تكسي يعني ولاّ أفتح صالون حلاقة؟
ماظلّ غير أقدّم للأوقاف يعيّنوني واعظ أو إمام جامع!

ثمّ فتح الباب وانطلق خارجاً إلى غير رجعة..؟
شو رأيكم رفاقي والله انا مع ابليس يروح يدور لو على,
غير هالبلد يمكن يلاقي له شغل..؟
تحيات
ماجد البلوي

الله الله عليك ياماجد روعه صحيح الله يعظم اجر ابليس تفوقنا علية بكل شي .

الله الله عليك ياماجد روعه صحيح الله يعظم اجر ابليس تفوقنا علية بكل شي .

انني شاكر ومقدر ردك القيم
اختي مضالي وقت
نعم تفوقنا على ابليس بكل شيء
لكي مني اجمل تحية
ودمتي بحفظ الله