سلمت وسلم ابوتركي
والله يعطيكم العافيه
إخواني الأعزاء
جرت هذه المحاوره بيني وبين الأخ الشاعرا بو تركي بمنتدى العصابين الرسمي
أتمنى أن تحوز على رضاكم
أبوتركي
أشوف المنتـدى راكـد ولا حصلـت للشعـار=عساها غيبت(ن ) في خيـر فاولهـا وتاليهـا
عسى ربي يجيب الصاحب اللي يعطي الأخبـار==ويعطيني سبب عن غيبت(ن) ما اعرف خوافيها
القصير
اشوف المنتدى عامر يحوفونه رجال خيار=عصابين الوفا في حاضر الدنيا وماضيها
عسى ماشر ياشاعر لفانا سلمت الابصار==تباتلقى العلوم اللي تبيض وجه راعيهـا
ابو تركي
صحيح اللي تقوله في صقور(ن) من صقور احرار=ولاتحـرف بيوتـي يالقصيـر عـن معانيـهـا
أنا من قبل هذي ما احسبك ترمـي بـدون عيـار==واثـرك اللـي يزهبهـا علـى النيـه ويرميهـا
القصير
أنا حسبك بعد هذي قنعت وتبدي الاعذار=رجال العرف لاجاها الخطأ فالعذر يكفيها
انا اقول الكبار اكبار ماقول الكبار صغار=ولا ضيعت مجهود العرب والنار اطفيها
أبوتركي
تهرج يالقصير واحسـب المدخـال والمظهـار=ترى دربك طويله وانـت تـوك فـي مباديهـا
جهود اهل الوفا من من ماضي الدنيا فخر وشعار=ولاتحتاج مـن كاسـة عسلـك وسمهـا فيهـا
القصير
ليا منك خذيت ا موافقه من صاحبين الدار=نبا نبدأ معك ما بيـن كاتبهـا وِِِ ِقاريهـا
أبوتركي
محلي يالقصير وانت ضيف وجالنا زوار=هلا يامرحبا وضيوفنـا ربـي يحييهـا
انا فالوقت لاخايف ولاهايب ولامحتـار=ولاني مبتلش فعلوم من راسك تسويهـا
القصير
على هونك على هونك لعلك تكمل المشوار=على وضح النقا والقوم ماشانت طواريها
حليل التاجر اللي لا خسر ماله معَ التجـار=يقول انه كسب يضحك على نفسه يرضيها
أبو تركي
انا ماشي بدربي وانت نوب يمين نوب يسار=تخم الدرب لحظـه يالقصيـر ثـم تخطيهـا
تقوله وانت تاجر ما معك درهـم ولا دينـار=دخل سوق الغلا ما معه قرش(ن) يشتري فيها
القصير
سلامة عين ابوتركي من اولهـا وطـأ بالنـار=عيونـه غشتهـا ماشـاف هادمهـا وبانيهـا
ترى سوق الغلا مبني على اليورو على الدولار=وانا بصرف ذهـب لابـان بايعهـا وشاريهـا
ابو تركي
تهيا لك خطا من صاحبك لون الخطا ما صار=عيونك شوفها فـي دربهـا دوبـه يقديهـا
تقول ان الذهب عندك وانا اقول الهروج كثار=ليال العيد تعرف يالقصيـر مـن عصاريهـا
القصير
يعيشون الرجال اللي لهم عند العرب مقدار=ليا جتهم خطيه من ورا الصاحب تعديهـا
بعد لعب الرفيحي والرديحي ثم لعب الزار=علامك ترمي الشارة ولا تحسن مراميهـا
ابو تركي
عساهم يسلمون وسيفهم فالمعركه بتار=وابونيـه لويـه نيتـه لابـد يلويهـا
تعوذ ياعميلي من بليس وردد الاذكار=ولاتجحد صلاتي يالقصير يوم اصليها
القصير
يقولون الحذر ثم الحذر من غلطة الشطار=وابو نيه سليمه حجتـه للنـاس يبديهـا
تعوذنا من الشيطان والله يعلم الاسـرار=ولا لي في علوم القوم ظاهرها وخافيهـا
ابو تركي
لك الله مانفكك لين تبصم فالبهـام إقـرار=وتمشي مع طريق القوم ماتخلف مماشيها
أناعندي علومك كلها ياراعـي الاسفـار=وذي دار(ن) تصبحها وذي دار(ن)تمسيها
القصير
لياأنك شفتني من نظرةعيوني تبي تنهـار=لكن أهل الحكاوي ما بلشنا فـي حكاويهـا
علوم الغيب ما يدري بها الا الواحد الجبار=لسانك هوسبب مسراك واعط القوس باريها
أبوتركي
تراك اضحكتني فهروجك اللي قلت ياغوار=يبى يكحل عيونه مار في يمنـاه يعميهـا
وصلك اللي كفى والله هو الغفار والستار=ترى ليلتك هذي ياعميلي ماانت ناسيهـا
اللهم أعز الإسلام والمسلمين
القصير
سلمت وسلم ابوتركي
والله يعطيكم العافيه
الذين يشاهدون الموضوع الآن: 1 (0 من الأعضاء و 1 زائر)
المفضلات