(يابحور الشعر )

	يابحور الشعر كل مااخلد للمنام إيمرفيّ امنبــــــــــّه = وقام دولاب الهجوس إيلـف بي أفكارهـ والهموم اللي بوسـط الجوف هيّ السبــّه = هي سبب للآدمي في بوح بعض أسرارهـ به طريق أحترت فيه أبداهـ والا أكبـّـــه =لكن الله ساعـد الطرقي على مشـــوارهـ وابتديـت الدرب بالاميال حــبّه ... حبّــه = لين وصلني الى موقــع نويـت أختـــــارهـ يابحـور الشعر غوصــي بي إليـن الغبــــّه = عارف"ن"للاتـــجاه أوجـــه البــــحارهـ كل طاروق"ن"مقـفى أعشـقـه وأحبـّــه = وأعشق القـفر الربيـع اللـي زهى نــوارهـ والهجيني كل ماارقى في طـويــــــل أذبـــــّه = اتسـلى لين هـــــم القـــلب يـــــبعد دارهــ في زمـان"ن"قـلّ فيه العارف المتنــبـّه = وكثر فيه اللي على الفتــنه يولـــع نــارهـ وكثر فيه اللي يسـوي كل حبـّه ..قبــّه = يوذي اللـي في محيــطه قبل يوذي جارهـ ياصروف الوقت كيف الجرح يلقـى طبـّه = وكيف كسر الخاطر يسوى عليه جبـارهـ ويالزمن كـيف الردّي مانستطيـع انسبـــــّه = لو نســـبه في زمانه يكثـــرون أنصــارهـ والله إنك لوتسبــّه مخطر"ن"تـنشـــــبّه = وتكثر الفتنــــه عليـــك إتهــد باب الحارهـ ويالزمـان الشـين ليـه اتشـــجع المتشبــــّه = بالنساء باللـــبس والمشــــيه يقـــلد عارهـ كل تيّـار"ن" يحـّرك قاربـه يركبّـــــــــه = ثم تلعـب بـه يروح يميـــن وإلاّ إيسـارهـ ويـالزمان الشيــن ليـه الاجودي تلعبـّــــــه=ليه تقسـى فيه تعطيــــه العطــا بقــطارهـ كل ما أقفـل مجـــال الاسئــله منصبــــــّه=بانهـــي الموضـوع واسكّر عليـه إستارهـ

"ناصر العصباني "


قصيدة رائعــه تدل على فكر راقي وشاعر أرقى .


أبهجتنا في إطلالتك . لاتحرمنا قصائدك.


لك كل التقدير شاعرنا الجميل

الله يعطيك العافيه على هذا الموروث الشعري


ضافت الى موقعكم اشراقه رائعه


ونتطلع منك قصائد شعريه في مجال النصح




عبدالله الحربي

مشاء الله يا ابو مازن قصيدة جميلة والقادم اجمل باذن الله
اطلب من الله لك التوفيق بالدنيا والاخـــــــــــــرة

	كل مااخلد للمنام إيمرفيّ امنبــــــــــّه @@ وقام دولاب الهجوس إيلـف بي أفكارهـ

	والهموم اللي بوسـط الجوف هيّ السبــّه @@ هي سبب للآدمي في بوح بعض أسرارهـ به طريق أحترت فيه أبداهـ والا أكبـّـــه @@ لكن الله ساعـد الطرقي على مشـــوارهـ وابتديـت الدرب بالاميال حــبّه ... حبّــه @@ لين وصلني الى موقــع نويـت أختـــــارهـ يابحـور الشعر غوصــي بي ليـن الغبــــّه @@ عارف"ن"للاتـــجاه أوجـــه البــــحارهـ كل طاروق"ن"مقـفى أعشـقـه وأحبـّــه @@ وأعشق القـفر الربيـع اللـي زهى نــوارهـ والهجيني كل ماارقى في طـويــــــل أذبـــــّه @@ اتسـلى لين هـــــم القـــلب يـــــتبعد دارهــ في زمـان"ن"قـلّ فيه العارف المتنــبـّه @@ وكثر فيه اللي على الفتــنه يولـــع نــارهـ وكثر فيه اللي يسـوي كل حبـّه ..قبــّه @@ يوذي اللـي في محيــطه قبل يوذي جارهـ ياصروف الوقت كيف الجرح يلقـى طبـّه @@ وكيف جرح الخاطر يسوى عليه جبـارهـ ويالزمن كـيف الردّي مانستطيـع انسبـــــّه @@ لو نســـبه في زمانه يكثـــرون أنصــارهـ والله إنك لوتسبــّه مخطر"ن"تـنشـــــبّه @@ وتكثر الفتنــــه عليـــك إتهــد باب الحارهـ ويالزمـان الشـين ليـه اتشـــجع المتشبــــّه @@ بالنساء باللـــبس والمشــــيه يقـــلد عارهـ كل تيّـار"ن" يحـّرك قاربـه يركبّـــــــــه @@ ثم تلعـب بـه يروح يميـــن وإلاّ إيسـارهـ ويـالزمان الشيــن ليـه الاجودي تلعبـّــــــه @@ ليه تقسـى فيه تعطيــــه العطــب قــطارهـ كل ما أقفـل مجـــال الاسئــله منصبــــــّه @@ بانهـــي الموضـوع واسكّر عليـه إستارهـ

صـــح لساانكـ" شاعرنا " ناصر العصباني "


مااقول الا "كذا الشعر ولا فلا 0!!


دمت بتكـ الشاعرية الجزله

ودمت تسقي الاحرف وترويها " روعة المغزى 00 واطراب القافيه "


كل التحــايا

"ناصر العصباني "

قصيدة رائعــه تدل على فكر راقي وشاعر أرقى .

أبهجتنا في إطلالتك . لاتحرمنا قصائدك.

لك كل التقدير شاعرنا الجميل

ابوبدر انت الرائع في مرورك الجميل ولاهنت ويعطيك العافيه