ماهو بكيّــفك تواصلني وتقطعني !!اأما غلا بين"ن"او فضها سيّــره !

للشاعر الاصيل : حمد السعيد

ما هو بكيفـك تواصلنـي وتقطعنـي
أما غلا بيـن (ن) أو فضهـا سيـره

ياشين لا جيـت تقطـع لا توادعنـي
ليتك تحـس الـواع شلـون تأثيـره

يا ماخذ(ن) حب اللي فيني وسمعنـي
حب(ن) على كبر صعب ابدله بغيـره

ابحتفظ فيـك وادري منـت بنافعنـي
يمكن مع الوقت أقول محبتـك خيـره

والله تدري وش اللي معـك دافعنـي
اني معاك انت امـارس اخـر الغيـره

واحب فيـك البـرود اللـي يقاطعنـي
لو ما تكلمت صمتك صعـب تفسيـره

يااللي عليك البشر شوفهـا تقاطعنـي
منين ما اوجه الهقـوات لـك سيـره

ياشينها من الخوى قولتـك قاطعنـي
ما غير شره ولا انت بشايف(ن) خيره

ياشينهـا منـك لا جيـت توزعنـي
في عذرك اللي على هالظرف تجيـره

شوف كبر صبر البشر ما عاد يوسعني
واكبر هموم العباد اشوفهـا صغيـره

وش جاك مني خطـا يومـك تبيعنـي
في سوقها عليك اسوقها لـك جيـره

انا اذكر انـك يومـن تقـول دلعنـي
القلـب هانـت علشانـك مشاويـره

يا مشغل (ن) القلب بين تحبني ويعني
شي يقـول اعـذره واقبـل معاذيـره

قلت احتفظ فيك وادري منت بنافعنـي
يمكن مع الوقت اقول محبتـك خيـره

وصح لسااان حمد

*
*

صح لسانة و مشكورة على النقل الحلوا ووشكراااا...........



أبو معتاد

الشاعر / حمد السعيد


غني عن التعريف
فهو فارس من فرسان ميادين الشعر

صح لسان الشاعر

ومشكور أختي على نقلكي الرائع

مهرة الشمال

يعطيك ألف عافية على نقل هذه الرائعه

للشاعر المبدع : حمد السعيد

إختيار يدل انكِ صاحبة إحساس شعري مرهف

ابو معتاد

صح بدنك
وصح بدن السعيد

شكـــرا لمروركــ

" ابوالعطـــااء


حيــاك الله


وصح بدن السعيد

اسعدني مروركـ

كل الود