واقدم لكم أخر محاوره جرة بين الشاعرين الكبيرين العملاقين

حبيّب العازمي

الشاعر اللي فيه سيما اهل الكرم والصالحين
احيان يقرا ماكتب واحيـان يكتـب ماقـرا

وصاه ابوه وجده اللي وارثه والصـا لحيـن
امايحصـل مابحـر والايحـصـل مـاقـرا



فلاح القرقاح

ياحبيّب الروقي بلشنا في الليالي والسنين
الله يساعدنا على الكوكب وما به من ورا
راح المفرج والمزرج والمصقل والسنين
ما باقي إلا قفش ترباسه رما به من ورا



حبيّب العازمي

يابو محمـد مامشينـا فالـدروب الا يميـن
وانته تعرف الايمنا وانتـه تعـرف الايسـرا
لاكن لاياخذك فاهل الـزور لـوم الايميـن
مار انتبه للي سرح واحسب حساب اللي سرا



فلاح القرقاح

دينٍ ما ينكر منكراتٍ محدثه ماهوب ديـن
والوادي الممحل لا راد الله له الرحمه جرا

البيع يا طير السعد عد وعدد ماهوب دين
والطيب اللي لا جرا غيره مع الزحمه جرا


حبيّب العازمي

يالله لاتفرح علي اهـل الحسـد والشامتيـن
ويبطي عدوي من صوابه بعد اصابـه مابـرا

ياهل الهوى وين الهنوف ام الوشم والشامتين
كم واحدن يقول عاشق مار جسمـه مابـرا


فلاح القرقاح

انتو وحنا طال عمرك كلنـا مـن قالطيـن
الله تعالى يجعل لمـن طاعـه حجـاب وذرا

منقال طين اهل البناء ياصاحبي منقال طيـن
ويوم الحصاد يحصّل المحصول من جاب وذرا


حبيّب العازمي

انته وابن وسام سجلتوا هدف فالدورتين
واناقريت القارعه والزلزله والـم تـرا

التين فالبستان يارجلٍ تبا فالدور تيـن
لاكن قيس المزرعه باليارده والامتـرا



فلاح القرقاح

انا وابن عمي كفو والشارقة ماهيـب عيـن
انقل ترا ما عاد في الديرة مكان انقـل تـرا

العين صارت خشم ياحبيّب وصار الخشم عين
وهل السعودية ما تعرف مهرجـان انقلتـرا



حبيّب العازمي

لوتحسب القسمه على المقسوم له والقاسمين
اللي يباع برخص في سوقه بسعـره ينشـرا

القاجمل والقاجـزل والقاهـزل والقاسميـن
مير الصحافه كـل شيئـاً ضدهـا ماينشـرا



فلاح القرقاح

مافاد ابو شوشه لا ابو شارب ولا ابو شاربين
لا جات له بالمشتـرى والبيـع ولا بالكـرا
خلق الله بنعمة وخير وما كليـن وشاربيـن
خل العيون اللي نضب ماهـا تحـلا بالكـرا



حبيّب العازمي

وين السيوف القاصمه ياصحبنا والمرت وين
الفن علينا ماطرا والفن علينـا قـد طـرا

الله خبير بحال من ماتو ظمـا والمرتويـن
وان كان ماهب السعد فلاعلى الدنيـا طـرا



فلاح القرقاح

انا ليا جارت علـي الأيـام قلـت الله يعيـن
وإن زان وقتي جيت عدواني على الكون جهرا

الرقية الشرعية تعالـج لـو العايـن يعيـن
عيون يسبق شوفها الدربيل وعيـون جهـرا



حبيّب العازمي

اللي يحب المرجلـه يبديلهـا والهـا يبيـن
واللي يعدي في كرا يقدر يحـول مـن كـرا

وانته تعرف الصاملين امن العرب والها يبين
حدث ولاتنسى نصيبك مـع نكيـر ومنكـرا



فلاح القرقاح

يقودنا لأهل المراجل والوفاء شوق وحنيـن
الحزة البركة الياجتمعـوا مشايـخ وامـرا
كلن يعرف اللي لا شال الحمل ما جاله حنين
وانا لكم حتى لو إني مـن ورا الفيـوم ارا






تقبلوا اطيب التحيات وفائق الاحترام والود

اخي المميز بمواضيعه الرائعه دائماً
ابراهيم سليمان اللوط
الله يعطيك العافيه على نقلك هذه المحاوره الرائعه للشاعرين الكبيرين
حبيب العازمي وفلاح القرقاح
سلمت اخي

المميز دائماً
.

ابراهيم سليمان اللوط
.

حبيب العازمي وفلاح القرقاح


شعراء كبار

هنا معنى تفتقده ساحة الهرج والمرج الحالية


سلمت اخي على نقل هذا التمييز

.

ا

براهيم سليمان اللوطد

صح كلك
محاوره غير
وهذا النوع من انواع الشقر لايجيده إلى كبار الشعراء

سلمت وسلم نزفك الجميل

عبدالله

ابراهيم سليمان

بيض وجهك ومشكور على النقل
وحسن الاختيار

تحياتي وتقديري لك