من [ ضو .. ضاء ] الكاتب / محمد الرطيان....!!

من [ ضو .. ضاء ] الكاتب / محمد الرطيان....!!

الشاعر والكاتب الرائع
محمد الرطيان
يقول :
كل ما أفعله هو أنني ألعب
بالــ [ ك ل م ا ت ]
فتصبح :
[ لكمات ]
ويقول أيضاً :
الكتابة : ليست حبة [ إسبرين] ، الكتابة : [ عمليّة جراحية ] جميلة ..!!
يجيد الكتابة بطريقة تذهل كل من يتجرأ ويقرأ ما كتب..!!
سأنقل هنا بعض كتاباته المميزه
لعلها تروق لكم مثلما رأيتها كذلك

شـاعـر
ــــــــــــــــ
أنا : دهشـه ..!!
أنا في جسـد هـذا الكـون : رعشـه
أنا : الحـيَّ الوحيـد اللي كسـر نعشـه ..
وأطلق صرختين :
فراشـه
وعصفور ٍ ملوّن حزين ..!!
أنا :
الملك الوحيد اللي
- في لحظة غضب -
في أقرب سلة مهملات ، رمى عرشه..!!

لما تصيح الريح بالخارج
ــــــــــــــــــــــــــــــــــــ
لما تصيح الريح بالخارج ..
ما أدري ليـه ..؟
أتذكـّر كل " مَـَرْه " نامت على صـدري
ونسـت خصله من شعرها معلـّقه في مشط القلب ..!!
وأتذكر شعورهـن
وأسترجع حضورهن
وتشمني عطورهـن !
وأ .. ت ... ل .... ا ..... ش ...... ى .......
وأنـآآآآم :
مثل شاعـر فرغ من كتابة قصيـده
أو – بالضبط – مثل طفل موعود في لعبـه جديـده ..!!
لما تصيح الريح بالخارج ..
أفرح وأخاف ..!!
ولا أدري ليه ..؟
أحـس بوحشتي أكثر
أحـس بشهـوة الأصفر .. يصير أخضر
أحـس بلهـفة الأخضر .. يصير أكبـر
أحـس الريح تتحول : قصيـده
أحـس إن المـدى : دفتـر ..!!
وتبدأ الأشيـاء تشطبنـي
عشان الأشيـاء تكتبنـي
وأصير الواحـد / الأكثـر ..!!
وأبدأ أجمـع كل ما أنتجـه الاأدب من " قِلـة أدب " ..!!
وبكل ما أملك من " قِلـة حيـا " ..!!
أكتب قصيده في هجـا العسكـر
وأصيـر الشاعـر الأشعـر !!
لما تصيح الريح بالخارج ..
تـْصير الشبابيك : ناياتٍ حزينـه
تـْصير المدينه ..
خارج أبواب المدينـه ..!!
يهـرب البحر
والمرفا
والسفينـه
وأبقى وحدي
واقف على رماد الـمــايَّ
حزين مثل النايَّ
وحدي
وحدي
وحدي
وحدي
حتـى أنا مانيَّ معــاي ..!!

سـالم
ــــــــــــــــــــــ
(3)
بأحـد شـوارع المدينـه .. مـدَّ يدينـه .. للسـلام ..
ما صافحـه الا الزحـام ..!!
صار يتمتم بكلام .. ما يسمعه غيره
قال : "...ياللـه الخِيـره "
وأشـرَّ لأول تاكسي ..!!
(2)
بأحـد شـوارع المدينـه .. سكـن فندق بدون "نجـوم"..!!
" أهـم شيء : النوم .. "
وردد حكي مهو مفهـوم .. ما يسمعه غيره
وقال : "...ياللـه الخيـره "
وسحـب أقـرب كرسي ..!!
(1)
بآخـر شـوارع المدينـه .. لقـوه جثـه
تغطيه صفحـة جريـده ..
كانت : " أخبار المجتمع "..!!
(0)
أول معلومه عنـه
آخر معلومه عنـه
أسمـه الاول : " سـالم …"
والباقي ..؟
اللـه العالم ..!!

مكتبة
ـــــــــــــ
في المكتبة ..
على الرفّ هناك ..
بدت معركة .. بين ( الفرزدق ) و ( جرير )
ورا أعرض الرفوف ..
يختبي ( عروة ) عن عيون الشرطة ..
متهم في سرقة بعير ..!!
وهنااااااك ( أبو نواس ) يترنّـح ..
في قصر ( هارون الرشيد ) ، يبحث عن غْلام ٍ صغير ..!!
وكان هناااااااك ..
رجل ما أعرف أسمـه ..
قلت : من أنـــت ؟
قال : أنا اللي كنــت ..
أكتب قصيـد ..
بالنيابة عن ( يزيد )
قلت : ليه ؟
قال : أنا فقير ..
و (يزيد) أميــر ..!!
وهناااااااااك ... في الرف الأخير ..
كان يجلس ولد أسمه ( أدونيس )..
يضحك عليهم ..
ويرميهم ..... بـحجر ..!!

كيلو حـديد
ــــــــــــــــــــــــ
كيلو حديد ..
كان يـحلم : يكون عمـود الإناره بشـارع العشـاق..!!
أو : قلـم يركـض بـحريه علـى الاوراق
أو : لعبـه تلعـب بأيدين طفـل ف يـوم عيـد
…………………

قـرر المصنـع يـحطه : "بـاب" للسجـن الجديد ..!!