عــــز واليـك يابـرق(ن) نحـاوي

بسم الله الرحمن الرحيم
الاخوان والاخوات اعضاء هذا المنتدى الغالي و الصرح الشامخ
يسعدني ان اشارك بهذه القصيدة وامل ان تنال رضاكم وقد اخترتها
كبداية نظرا لكثرة الطلب عليها ولخصوصيتها
واشكر الاخ موسى على دعوته لي للمشاركة علما انني مسجل في
هذا المنتدى من مدة طويلة ومتابع له واعتقد جازما ان المشاركة
واجبه خصوصا وانه يحمل اسم قبيلتنا العريقة
و تقبلوا اطيب التحايا واحلى الاماني
اخوكم زيدان علي الهرفي
**

عز واليك يابرق(ن) نحاوي =قام يلعج على وقت العشيه
ساري(ن) بالدجىنوره سناوي=يشتعل في ظلام الخرمسيه
جعل تذرع لهملوله حراوي= تغتشيها سحابه شوشليه
ومن حدود البحر لين الشفاوي= لين حد السهل وابعد شويه
كل وادي وضلعان ومطاوي=تستقي من مزون العقربيه
تنبت فياض تذرع والمزاوي=تكتسي مثل زرع العاذريه
والله اني على المسرى شفاوي=يم هاك المرابيع العذيه
حطوا العفش بالجيب السماوي=قوسوا الزيت وعبوا تانكيه
وارد الشرق مخلوف الجناوي=كن له بالصحاري جاذبيه
منوة اللي على المرواح ناوي= دون داره سراب المهمهيه
كن نقرة سوتشه ينبعاوي= يوم ينقر خيوط السمسميه
وكن لجة قزوزه ذيب عاوي=يوم القمر جاوب خويه
وكن طقة جنوطه بالملاوي=في جنوب الحصى وقش برديه
وان تنهض مثل فرخ النداوي=شاف بين الشجر زول عدنيه
وان توازن مثل ظبي العداوي=سامكه عجته بالجرهديه
وان تبين مع الطعس النباوي= طلعة الشمس والتربه نديه
مثل واحد من زمول اللحاوي= يوم للجيش صيت ومقدريه
ياحلو وقفته والليل ضاوي= في حضون الجبال اللومحيه
في شعيب(ن) من الغدران راوي= تو مسقيه وبل الهلهليه
له ليالي من العالم خلاوي= غير حس الحجل والراعبيه
كن ريحة عشوبه ريح جاوي=فايحه مع ذعاذيع المسيه
وان وردنا على الجم الرهاوي=من قراحه حكرنا شاذليه
كن فنجالها طب المداوي= يبري عماس صبيان الحميه
منوة اللي يحبون القهاوي= كنه خضاب وضاح الثنيه
ومن بعدها ذبحنا تيس شاوي=والشحم طيت(ن)من فوق طيه
كن فوح الزفر فوق المشاوي=فايح(ن) من حنيذ الحضرميه
جلست(ن) تطرب القلب الشقاوي= لو همومه كبار وسرمديه
مع نشاما على قدالهقاوي= فيهم المرجله كسب وسجيه
وياحلو بالدجى جر الغناوي=جرها باللحون السامريه
وان لعبنا على القاف الملاوي= به عسفنا حروف الابجديه

اخي الغالي زيدان البلوي

اهلا و سهلا بطلتك علينا و حياك الله في منتداك
و اشكر لك تواجدك معنا و المشاركه الرائعه منك

سعادتي لا توصف اخي الغالي بوجودك هنا معنا

بسم الله الرحمن الرحيم .. وبه نستعين
السلام عليكم ورحمه الله وبركاته ... وبعد
اهلا بك اخي الشاعر... زيدان الهرفي
وصح لسانك على هذه القصيدة الجميله ..
ونتمنى الا تبخل علينا بماهوجديد..
...وتقبل تحياتي ...
.... اخوك .. فتى بلي

حيا الله اخونا زيدان الهرفي ..

شاعر معروف .. واسم أكثر شهرة ..

تراني من اصحابك بالوله .. يعني من شلة أبو علي ..

أما بالنسبة للقصيدة فهي لا تقل ابداعا عن صاحبها

بسم الله الرحمن الرحيم

ونعم يا زيدان الهرفي

وصح لسانك

<div tag='font="Simplified Arabic,4,black,normal,normal" bkcolor="transparent" bkimage="1" border="none,4,deeppink" type=0 line=200% align=center use=ex length=0 char="" num="0,black" filter=" glow(color=purple,strength=5)"' style='display:none'>
من حدود البحر لين الشفاوي"=" لين حــد السهل وابعد شويه
</div><script>doPoetry()</script>
قصيده رائعه بهذا الجمال اكيد من شاعر رائع
اهلا بك ابو علي والدار دارك
اخوك / ابن رويضي

الاخ موسى البلوي
شكرا لك على ترحيبك الحار وكلماتك العذبة
واشكرك على جهودك الكبيرة في هذا المنتدى الغالي
لك تحياتي ودامت جميع اوقاتك بالمسرات