البيوت المهمله

مثل احتياجي للردود المذهله
لا رحت يم ذيك المنابر وعتليت

مثل احتياجك للسؤال وتسئله
يا تسئله وتجاوبه ولا دليت

تعبت من سرد البيوت المهمله
الي لها عنوان لكن دون بيت

جتلك وانا ادري بالعيون مسجله
أوصافك ألي تبتديني لنتهيت

لا حل طيفك بالعيون استئمله
أحاول افهم كيف من بردي دفيت

وش فايدة راع الهبال تهبله
لا صرت معطي من صميمي ماعطيت

احر دمعه واليدين مكبله
تمشي ولا تدري من يمه مشيت

قولت نعم من دون غزوه ماتجير
ماكل من ناش الطويله نالها

المرجله بالوقت دلون وسط بير
وعزم الفتى حبلن يدور بجالها

فيلي تبيع الورد دورلي عبير
بنت(ن)تقول البعد لي اشوالها

اقفت وكل مقفت عليا تستدير
بقدام ذبلا دوبها تشتالها

وأقفت كما تقفي المنيه للبصير
ماشفتها ولا عاد شفت ارسالها

يدوم العز والدنيا ذليله
نعيش وكل منا له حصيله

ويارب اكون فيها مثل مانا
وفي(ن)ما مشي درب الرذيله

ندي الكف صميل الراي طيب
برير لوالديني والقبيله

يا ليل سبت(ن)ذكر القلب تذكار
جاب الصديق ألي مركب صديقه

يا ليت ماشفته ولاصار ماصار
ولا رأيت عيون خدرا مويقه

وش فيه مايدري عن البرد والنار
ألي بعيونه ولي من صوت ريقه

وش فيه ناسي للبشر سر وجهار
وحلوم واماني مسره وضيقه


وشلون خلوه العرب يطلع الدار
ومعك ايتمشى كل حين ودقيقه

هذا لو انه مر شايب ومنهار
عود شباب وقال ابيها رفيقه

اما انت ياتذكار دار الذي دار
ما لك صكوك ولا علينا وثيقه

يزود الوجد بغيابك حبيبي والجروح تزود
وموت بلوعة الضيقه ولدري كيف افارقها

يا كيف ألي معه وجهك ونظرات الحنان السود
يعيش القاسي بطبعه وطبعه ما يخالقها

عجزت أفهم مادامي اني معاك الزند والبارود
أعلمك كيف تمسكها وعلمك كيف تطلقها

تماهلت الخطا فيني وتدري في رحيلي نود
هبوب الشك ما غرت من الايام سابقها

تجريت ونسيت الخوف جيت العالمين رقود
رميت بفصلك الجارح علوقن لك معلقها

تهاوى طلعها الباكي ندا والمخظرات حشود
تناحيها الغصون الخاويه من جور طارقها

زبيني من مشيت الصد كل العالمين صدود
صفتلي الضيقه بممشاي تركضلي وسابقها

تزيد خطاي معها والمسافه بالرقوم تزود
ولا يمي لها حروه من السلوى أسارقها

وأنا ألي باخصن فيها دروب تصد كيف تعود
تعانقني محطات الدروب وكنت اعانقها

لكن في تجربة ذا الحب مالي بالزمان شهود
قضية صاحبي كذبه وأنا ألي غصب اصدقها

أوصي كل من حولي انا ماني ترا موجود
اذا وقف على بيباني الصاحب ويطرقها

رائد محمد السرحاني

صح لسانك على هذه الروائع الجميله

كم تمنيت ان يكون بينها وقت لنتذوق رائعاتك الجميله

اطول وقت وتعطى كل قصيده حقها من الردودوالنقد

تقبل احترامي وتقديري
وسلامى لأبن الخال المحترم ابونواف امده الله بالصحه والعافيه

والأسره الكريمه