من اجمل القصايد اللي قراءتها%ليه المسا%

الملف الشخصي · 02-02-2010, 12:17 PM

قصيده رااااااااااااااااااااااااااااااائعه للشاعر محمد بن فطيس
بمعنى الكلمه

ليه المسا عوق الشقـاوي وطبّـه؟
وليه الهبوب تصحي القلب لا بـات؟

وليه القمر يدعي جريـح المحبّـه؟
ويقول له يا هيه..ما فات ..ما مات

جرحك ظهر لو قلـت للوجـه خبّـه
وللحزن في ضحكك رسوم وعلامات

وليه المطر بالذات ريحـه.. وصبّـه
. كنّه رسول بيـن الاحبـاب بالـذات؟

اشتـاق فيـه لشوفتـك واتنـبّـه
. للي نسيته مـن مواقـف ونظـرات

لا استانس الخافق ذكر مـن يحبّـه
ورجع يراجع فالوناسات مـا فـات

يا مرتـع القلـب الحزيـن ومربّـه
يزيين بك مثل الذهب صدر الابيـات

هيهات ينسى القلب شخـص ٍ لعبّـه .
وهيات يدله خاطري منـك هيهـات

سبك مديح ومـدح غيـرك مسبّـه
تقول واذني صوتها تقول لـك هـات

ونبع الغلا عنـدك وعنـدي مصبّـه
ومن الولا .. في خافقي لك ..ولاياات

وطيفك حطب عيني..وعيني مشبّـه
والشوق برد ٍ ما انقطع لو للحظـات

ومكانك الصدر ولـك القلـب شبّـه .
. بين الظلوع اللـي فردهـا التنهـات

ولك بيـرق ٍ فالقلـب حبـك يهبّـه
شامخ ولا هزه من العـذل غـارات

محبتـك فالوقـت ذا مـا تشـبّـه
الا بخيمـة بـدو بيـن العـمـارات

ان شفتني ضايق واهوجس واسبّـه
اخاف غدر الوقت.. والوقـت دورات

لا تحسب ان دمعي نـزل دون سبّـه
. ابكي من الفرقا وهي مابعـد جـات

الـيـوم كــل امورنا..مستتـبّـه
وبكره ماندري وش معه من مسرّات

اربّ قلبـك مثـل قلـبـي اربّــه
ما يخلفه شور العـرب والمسافـات

الابيات اللي بالون الاسودهي الي خلتني احم انها من اروع ابيات الشعر التي قرأتها نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي