درس في عمل الجلتر...!

.
.
السلام عليكم ورحمة الله وبركاته
درس اليوم عن الجلتر
وبسم الله نبدا
اول شي نحفظ في مجلد شرايح الجليتر
وهذي المجموعه لتحميل هنا
1

2

3

الحين نفتح برنامج الفوتوشوب ،، وافتحوا صور الجليتر اللي خزنتوها ،، صار عندنا في الشاشة 3 صور للجليتر ،، ــ
نحدد الصورة الاولى ،، بتلاحظون ان لون البراوز بيكون فاقع ،، نروح لـ
Image >> Mode بنلاحظ ان عند كلمة Indexed Color شي اشارة صح ،،

لازم نغيرة لـ RGB Color
يعني Image >> Mode >> RGB color
شوفوا الصورة:

وعقب نسير لـ Edit >> Define Pattern
مثل ما هو واضح في الصورة

بيظهر لكم بوكس عشان اتعرّفون الباترن ( اللي هو نفسة الجليتر ) وتختارون له اسم ،، ممكن تحطون أي اسم ،، وممكن تقبلون الاسم الموجود وتضغطون Ok
لاحظوا الصورة

انصحكم بان الصورة (الجليتر) اللي طبقنا عليها العملية السابقة تسكرونها على طول عشان ما تتخربطون ،، ونتبع نفس الخطوات مع باقي الجليتر ،،
ممكن سؤال يدور في خاطركم ،، العملية اللي سويناها ،، وين ودت الجليتر
الحين تعرفو الاجابه
الخطوة الثانية:
تعبئة النص بالجليتر:
1- كالمعتاد ،، File >> New مثل ما هو موضح في الصورة التوضيحية رقم 1 ،، بيظهر لنا بوكس عشان نختار حجم الصفحة ،، ونوعها ،، هني انا اخترت 400 Pixels للعرض و 200 Pixels للطول ،، والـ Contents خلوها Transparent مثل ما هو موضح في الصورة رقم 2 واضغطوا Ok يظهر لكم صفحة العمل مثل ما هو موضح في الصورة رقم 3 ،،
لاحظوا معاي
2- باستخدام أداة الكتابة نكتب النص المطلوب

وقبل ما نتكلم عن هاي الخطوة ،، اللي مو ظاهر عنده بوكس الليرات يظهره عن طريق Window ويتأكد من وضع إشارة صح على كلمة Layers
3- ننسخ اللير الموجود على عدد شرائح الجليتر،، وفي هذا الدرس عندنا 3 شرائح للجليتر ،،
وذلك عن طريق نقرة على اليمين (على اللير المطلوب نسخه) عقب Duplicate Layer مثل ما هو موضح في الصورة رقم 1
يعني في النهاية لازم يكون عندنا ثلاث ليرات مثل ما هو موضح في الصورة رقم 2:
لاحظوا الصور التوضيحية

بنشتغل على اللير الاول:
نقرتين على اليسار على اللير الاول ،، (او نقرة على اليمين ونختار عقبها Blending Options) بس عندي ملاحظة مهمة ،، شلوا علامة العين من كل الليرات ،، وخلوها بس على اللير اللي تشتغلون عليه ،، طبقوا ها الشي في كل الخطوات الموجودة في هاي الفقرة ،،
لاحظوا الصورة

الحين بيظهر لكم بوكس عود ،، على يساره فيه قائمة طويله حذالها مربعاد اختيار صغيرة ،، ــ طبعا ها البوكس عجييب ،، ويعطي تأثيرات حلوة على الأشكال والنصوص ،، لكن في ها الدرس بنستخدم ثلاث خصائص منها فقط ،،
وهي:
1. Drop Shadow
2.Pattern Overlay
3.Stroke
مثل ما قلنا ،، بنستخدم 3 خصائص من الـ Blending Options
وهي:
1. Drop Shadow
2.Pattern Overlay
3.Stroke
لاحظوا أماكنها في الصورة

الخاصية الأولى ،، اللي هي في بداية القائمة،، Drop Shadow ، نكتفي بان انحط علامة صح في البوكس الصغير ــ يعني مجر كلك في المربع الصغير
لا تضغطون على Ok ،، بعدنا ما خلصنا ،،
انتقلوا معاي للخاصية الثانية ،، موقعها من القائمة ،، قبل الاخير،، اللي هو Pattern Overlay ،، هني نحتاج لشوية شغل ،، خلكم معاي ،، لما تون تحددون هاي الخاصية لا تسيرون عند المربع الصغير اللي على اليسار مثل ما سوينا في الخاصية الأولى ،، خذوا مؤشر الماوس وروحوا على الكلمة نفسها (( Pattern Overlay )) وانقروا عليها ،،


لما اتسوون هاي الحركة ،، بتلاحظون ان محتوى البوكس اتغير بالكامل ،، وأهم شي بيظهر لنا هو المربع الكبير اللي بالوسط ،، وغالباً يكون لونه رمادي على شكل دواير ،، نضغط على ها المربع ــ مثل ما هو موضح في الصورة الأولى تحت ــ وبيظهر لنا كل الباترنز المخزن عندنا ،، ومن ضمنه الجليتر اللي عَرّفناه للبرنامج في الخطوة السابقة ،، واذا ما حصلتوه جدامكم نزلوا السهم لتحت ،، لانه الباترن اليديد يتخزن آخر شي ــ لاحظوا الصورة الثانية تحت ــ

الصورة الأولى:



تابع
.
.

.
.
الصورة الثانية

حصلتوه ؟
وايد زين ،، معناته انكم في السليم
الحين اضغطوا على الجليتر المطلوب ــ عندنا 3 جليترات من اللون البني ،، نختار واحد منهم ،، ويستحسن ناخذهم من اليمين أو من اليسار عشان ما انلخبط ،، وأنا هني أخذت أول واحد من اليسار ،، ولما تنقرون عليه بتلاحظون تغيرات على المربع الرمادي ،، ومربع عرض التأثيرات ،،
لاحظوا الصورة:

بعدنا ما خلصنا من ها البوكس ،، يعني لا تضغطون على Ok
وصلنا للخاصية الأخيرة .. إضافة حدود للشكل ،، موقعة من القائمة الأخير ،، واسمه Stroke ،، وبعد لازم ننقل مؤشر الماوس على كلمة Stroke وننقر عليه ،، مثل ما سوينا في الخاصية الثانية ،، بنلاحظ ان الشاشة تغيرت مرة ثانية ،، وظهر لنا مربع احمر صغير ،، ها المربع وضيفته تغيير لون الحدود اللي بتحطونها حول الشكل ،، يعني اذ الجليتر عندي بني ،، فلازم اختار لون يتماشى معاه ،، وهني انا اخترت لون البني الغامق ،،
لتوضيح أكثر ،، لاحظوا الصور:

ولما نضغط على المربع الأحمر بيظهر لنا بوكس الألوان ،، نختار اللون اللي يتماشى مع الجليتر ،،

خلصتوا من هاي الخطوة ؟؟
واخيراً ،، اضغطوا على Ok

شوفوا التغيير العجييب اللي صار على النص

عودة لبوكس الليرات ،،
مثل ما قلنا في بداية هاي الخطوة ان احنا لازم نحط علامة العين بس (Only)على اللير اللي نشتغل عليه،، و نشيلها من الباقي ،، الحين احنا خلصنا شغلنا في اللير الأول ،، نشيل منه علامة العين ونحطه على اللير الثاني اللي بنشتغل عليه ،، ــ ملاحظة بسيطة بالنسبة للير الاول ،، طبعاً بتشوفون ان شي قائمة صغيرة باللون الابيض نزلت من تحته ،، هذي هي الخصائص اللي طبقناها في اللير ،، شلوا العين من اللير نفسه ــ يعني بس اللير الأول ،، أما الباقي فبينشلون اتوماتيكياً
لاحظوا الصور

الكلمة اللي كتبتوها بترد مثل قبل ،، وهذا لان احنا شلينا اللير اللي اشتغلنا عليه ،، عشان نعيد تطبيق نفس الخطوات على اللير الثاني ،،
لاحظوا شكل الكلمة

الحين نعيد نفس الخطوات اللي سويناها في الخطوة الثانية ،، يعني مرة ثانية ــ نقرة على اليمين على اللير الثاني ونختار Blending Options ،، لازم نكون دقيقين في اعادة تطبيق الخطوات اللي سويناها في اللير الاول ،، عشان الشكل النهائي للنص اللي نشتغل عليه ما يتبهدل ،،
بعيد باختصار الخطوات:
1- Drop Shadow ،، اللي هي اضافة او اسقاط ظل للصورة ،، ونكتفي بنقرة على المربع الصغير ،،
2- Pattern Overlay ،، وهي تعبئة النص او الشكل بالجليتر ،،
بس في ملاحظة بسيطة ومهمة ،، لما ني نعبئ الجليتر نختار الجليتر اللي في الوسط ،، عشان في المرة الاولى اخترنا الجليتر اللي على اليسار ،، والحين بنختار اللي في النص ،، وعلى اللير الثالث بنختار الجليتر المتبقي واللي هو على اليمين ،، لاحظوا الصور

3- Stroke ،، إضافة حدود للشكل ،،
انطبق هاي الخطوات حرفياً باستثناء الملاحظة اللي نبهتكم عليها ،، وعقب نضغط Ok
هذا بالنسبة للير الثاني ،، ونشيل علامة العين من ها اللير وانحطه على اللير الثالث ،، وانطبق نفس الخطوات باستثناء الملاحظة السابقة عن اختيار الجليتر في تعبئى النص Pattern Overlay ،،
تحريك الجليتر
لما نحط الجليتر على كل الليرات الموجودة عندنا ــ واللي شرحناه بالتفصيل الممل في الخطوة السابقة ــ لازم ننتقل للامج ردي (Adobe ImageReady)عشان نحرك الجليتر ،، أو نعطي تأثير اللمعة على النص أو الشكل اللي نشتغل عليه ،،
بس قبل ما ننتقل ،، لازم نعيد علامة العين على كل الليرات الموجودة عندنا ،،
لاحظوا الصورة:

الحين بننتقل ،،
بس لحظة......؟؟!!!
ما تلاحظون أن الكلمة ضايعة في البراوز؟

شو رايكم انحددها أكثر ،،
باستخدام أداة القطع الموضحة في الصورة:

نحدد مجال النص ،، يعني خذوا مساحات بسيطة من حدود النص ،،
لاحظوا الصورة

وبعدين نقرتين على الصورة بشكل سريع ،، أو نضغط على Enter من لوحة المفاتيح وشوفوا النتيجة

ها ،، وصلتوا للامج ردي
بتظهر لكم الصورة اللي إحنا سويناها بالجليتر فوق ،، وتحت بيظهر لكم شريط موجود فيه صورة وحدة بشكل صغير ،، هذا الشريط هو شريط الحركة أو الـ Animation ،، واللي مو ظاهر عنده يظهره عن طريق Window ويتأكد من وضع اشارة صح على كلمة Animation لاحظوا الصورة





تابع
.
.

.
.
اللي لازم انسويه الحينه هو ــ انظهر الليرات الثلاثة اللي اشتغلنا عليها ــ يعني لازم يكون عندنا ثلاث صور في الشريط ،،
لاحظوا السهم الصغير اللي على يمين الشريط ،، اضغطوا عليه بيظهر لكم قائمة اختاروا منها:
Make Frames From Layers
شوفوا الصورة





ولما تختارون Make Frames From Layers بيظهر لكم الليرات الثلاث في شريط الانيميشن ،، وفي نهاية كل براوز في الشريط بتشوفون مكتوب sec. 0 ،، هذا لتحديد وقت ثبات الصورة ،، بس في الجليتر ما انصحكم باستخدامة ،، لأن كل ما كانت حركة الصور اكبر ،، يكون تأثير اللمعة اقوى ،،
لاحظوا معاي:




ولو ضغطتوا على رمز الـ play الموجود أسفل شريط الانيميشن بتشوفون إنجازكم ،، الصورة وهي تتحرك
شوفوا الصورة:





خلصنا الشغل ،،
تعالوا انسيف او انخزن اللي سويناه ــ طبعاً انخزنه في الامج ردي ــ:
File > Save Optimized As




والنتيجة:






هذا تطبيقي..:





واعذرني ماسويت الشرح بنفسي
لكن اتوقع الشرح مفصل تفصيل جميل
وواضح
واللي عنده سؤال انا بالخدمه
.
.

تسلم يمناك استاذ ماجد
درررس رائع
وتطبيقي ان شاء الله بنزلة الساعة 10

بارك الله فيك أخي ماجد المشيعلي
جميل جدا وأريد أن أضيف هنا أنه يمكنكم أن تختصروا إذا وضعتو ملف خاص بمسار
psd
فيه جولتير معين بنفس الخطوات وحفظه والرجوع إليه متى ما اردتم لتغيروا النص دون اللجوء إلى إعادة الخطوات مرة اخرى هذه الطريقة صالحة لاي درس في الفوتوشوب لاختصار الوقت عليكم

بارك الله فيك أخي ماجد وننتظر جديدك واريد من الأخوة ان يرونا أعمالهم فمركز تحميل الملفات مفتوح للجميع اثناء اضافة مشاركة ان حدث زظهر لك خطأ في الصفحة فقط اعمل تحديث من خلال النقر داخل الصفحة بزر الماوس الايمن واختيار تحديث سوف تظهر الصفحة مرة أخرى تخبرك أن الملف سبق وان قمت بتحميله ماعليك الا نسخ رابط الملف

ما يطلع التحميل
تأكد الله يعافيك
أنا بانتظارك