انا المشتكي وانا اللي اكلتها

السلام عليكم ورحمة الله وبركاته ...

في حارة صغيرة
زحمة عند البيت ... شباب واقفين عند البقالة ... ثلاثة جالسين على عتبة بيتنا يدخنون شكلهم من الحارة اللي جنبنا ... مجموعة جالسة على الرصيف المقابل اعتقد انهم يسوون بحث عن عدد خطواتي وطلعاتي من البيت ... اثنين جالسين على كبوت سيارتي

الوضع لا يطاق ... اذا طلعت من البيت بصعوبة الاقي موقف لسيارتي اذا رجعت ... لذلك اختصر الطلعات قدر الامكان ....

جربت اكلمهم بالهداوة ... والشباب ما يقصرون اذا شافوني طالع من البيت (( صدوا )) كأننا محترمين لدرجة اشك انوا بعضهم ما عنده بيت ولا اهل ... بس الوضع هذا ما ينفع ...

اتصلت على الشرطة وفهمتهم الوضع وانها تجمعات غير مبرره بسبب البقالة القريبة ... ولكن ... سيارة الشرطة تمر (( بأستحياء )) مع الشارع وتبادل السلامات الحميمة بين سيارة الشرطة والمتجمهرين المزمنين

قلت اشوف لي طريقة ثانية وزاوية اخرى اقدر ابعد الشباب من الحارة ...
اتصلت على المرور وقلت لهم ان الشارع (( يقفل )) بسبب الوقوف الخاطيء امام البقالة وان الوضع يخص رجال المرور ... ما قصرور المرور بعد يومين وصلت سيارة المرور من المريخ .. ومن سوء حظي عند وصول سيارة المرور كنت انا الوحيد بوضع وقوف (( مزدوج )) لبضعة دقائق بسبب ركوب الاهل في السيارة لأن فيه سيارة واحد من شباب الحارة واقفة امام بيتي بالضبط واضطريت ان اقف بشكل مزدوج ...

طبعاً ما يحتاج اقولكم .... اكلت المخالفة وانا اضحك ... ياربي وش اسوي الحين انا المشتكي وانا اللي اخذ المخالفة ... ما قصروا شباب الحارة حاولوا يكلمون العسكري يلغي المخالفة لأن كل الشباب يعرفوني ... بس رجل المرور رفض لأن الشكوى (( مني )) كانت شديدة

وش رايكم بصراحة انا من القهر مسكت رجل المرور مع حلقه وقلت له اقلب وجهك ما ابي منكم شيء ... وربي الله ستر بغيت اروح سجن ... ههههههههه وربي قهر ...

انصحكم اي واحد فيكم يشوف شباب متجمهر عند بيته يحاول يصادقهم ولا تفكرون تتصلون على الشرطة او المرور ... تراني قلت لكم وبريت ذمتي

سلالالالام

<span style='colorurple'><div align="center">السلام عليكم ورحمة الله وبركاته ... وبعد


الـــســــيـــــل



أعطيت العافيه على هذه المشاركه الطريفه


لك الشكر أيها العذب .. فعلاً أبدعت في صياغتها .. وتقديمها لنا بهذا الشكل الجميل ..


فأرجو أن لاتحرمنا من هذا الأبـــــداع ..


.. أخــوي الـــســــيــــل .. أنا أمشي جنب الجدار وقول يالله سترك




فتى بلي</div></span>

هلا والله فتى بلي

نورت الصفحة بطلتك .. الله لا يحرمنا من شوفك

(( أنا أمشي جنب الجدار وقول يالله سترك)) يابن الحلال بعض الاحيان لو تمشي بحوشكم ما سلمت .... واكيد الستر من الله ...

اشكرك على مرورك الجميل

<span style='color:darkblue'><div align="center">السيل تبي الحل عندي بس تحمل ما يجيك >>===>> بينكب السيل :P

الحين تقول متجمهرين حول بيتك الحل ماعاد ينفع

أنك تشتكي للشرطه الحل أنك تاخذ لك مسدس

وتوجهه عليهم وأرمهم بطلق بين رجولهم أبصم

لك أنك ماعاد تشوفهم بها الديره اللي أنت بها

أنت سو اللي أنا قلته لك وأن ما شفتهم مطلقين

سيقانهم للريح ما أكون ولد أبوي.... </div></span>

ولد ابوي ... حشااااا هذا وانت ولد ابوي اجل شلون لونك ولد جارنا ؟؟

من جد تبي تنكبني ... حرام عليه تراني اكد على ضعوف من ضمنهم انا يعني تبي تدخلني السجن ؟؟

طيب راح اعديها لك هالمرة لكن المرة الجاية اذا طلعت المسدس ونويت ارمي ترا اول واحد ارميه هوانت .... هذا انا نبهتك ....

وبعدين بيني وبينك انا اخاف من المسدس ومن حرصي حتى المسدس اللعبة ارمي هوا اخاف يطلع حقيقي <<< == ابوك يالذروق

المهم شوف لي حل حكومي ... اقصد رسمي حسب الانظمة والقوانين انا رجال ما احب المخالفات القانونية <=== بالمرة عاقل الاخ يخزي العين ما احلاه

اخي السيل
<<<يعجبني اللي مسوي مؤدب
ودوبة ودوب الجدار

ياخي تعرف عليهم وافتك منهم
ويقال اقرب من الشر وتسلم
بس على فكرة خلك انت القوي اللي مابعدة
وانك مهجد الحارة عشان يخافون منك ويتعرفون عليك
وبعدين خلهم يغيرون مكانهم بما انك اقواهم

<<<يااااااااااااااويلي يالدوبلوماسي
ياخي خلك مثلي دوبلوماسي" احسها صعبة وانا اكتبها"


سو هالطريقة وقل ماقالها يمكن غلا
<<<عط الخبز لخبازة...صح يالواثق


والا وش رايك فيني

ولك كل الشكر
ولا عدمنا تواجدك

اخوك
يمكن غلا
محمود الجذلي