[قصيدة]حشيمه بوسط البيت

سلامي على بنت الرجال السنافية=قنوعه ولو تعطي لها ريال يكفيها
حشيمه بوسط البيت ماهي فرنجية=وابوها على نهج الصحابه مربيها
ولاهي كما اللي كل صبح وعصرية=تملي على الاسواق تكثر مماشيها
للاسواق تمشي دون حاجه ضرورية=على رجولها ولاالخريف يوديها
بالاسواق مابين العجم واليمانية =وهذا يناظرها وهذا يحاكيها
وتلبس ملابس عارية تقل غربية=تظن البشر في فعلها معجبه فيها
انا لوعطوني مثلها بربع روبية=ولو هي جميله فاتنه قلت مابيها
انا ويش ابي باللي لها امورمخفية=انا اريد بنت فروض ربي تئديها
بنيه تربت بالديار السعودية=تربت على التوحيد والله مهديها
حنونه تكلم زوجها بكل حنية=ولنه زعل ترضيه واكيد يرضيها
تصوم وتقوم الليل مثل الصحابية=عسى ربنا من زمرة الشر يحميها

السلام عليكم ورحمة الله وبركاته

ابو صــالــح العـــرادي

صح لسانك

قصيده معبره ابدعت في مفرداتها

ابو صالح

صح لسانك قصيده جميله

ارجو زيارت هذا الرابط
http://www.bluwe.com/bluwe/showthread.php?t=8270

السلام عليكم ورحمة الله وبركاته



اخوي ابو صالح العرادي
صح لسانك
وعافاك الله على القصيده

وموضوعها المعبر عن شيم وقيم هذا البلد الطيب الكريم

تحت راية خادم الحرمين الشريفين الملك عبدالله بن عبدالعزيز
الله يطول عمره في خير

أبو صالــح العرادي ..

لاهنت يالغالي على هالقصيدهـ .. لك القلب لاتحافنا بها

سلمان العرادي

الشاعر
ابو صالح العرادي
اولاً :
حياك الله بمنتدى بلي وسعدنا بوجودك بيننا
ثانياً :
صح لسانك وسلم بنانك
على هذه القصيده الرائعه
والجزله
دمت بود
ودام ابداعك