سألت حزني ليش مغرور

قالوا ساكت وخاطري مكسور=قلت مكسور وسكوتي كسرني
حسيت إني بداخلي مهجور=حتى ظلي تركني و هجرني
ذكرت يوم قالوا صبور=قلت من عرف صبري عذرني
إنكسرت وإنجبرت ومازلت مجبور=ومادري جبرت همي وإلا جبرني
عذرت عني من كان معذور=ومن أبعد أكيد إنه خسرني
تزاحمت فيني مشاعر غيور=وفيني ليل وعقلي سهرني
ومن كثر حزني صرت مسرور=ولو فقدت حزني فقرني
بهمي صرت بالحيل مسحور=حب حزني فيني سحرني
سالت نفسي هل فيني شعور=رد فيني هل نفسي شعرني
قلبي صار للحزن تنور=ولو تناسيت حزني ذكرني
ولو شفت همي قلت مشكور=تسليت باللي قدرته وقدرني
سألت حزني ليش مغرور=رد حزني بغيرك قهرني
قهرت قهري وبالحيل مقهور=وبدال ماصبر على قهري صبرني

من ذكريات

قلمي المتواضع






ابو ريما

هناك أشخاص عندما يعجبون بشئ ما
يقفون مكتوفي الأيدي لا يستطيعون أن يعبروا عما بداخلهم نحو هذا الإعجاب
وها أنا عاجزة تماما عن التعبير بإعجابي بما خطته لنا يداك
بصراحه كلمات جدا رائعه

لروعتها لا أعلم ما ذا اقول
غير

صح لسانك ويعطيك الله العافيه

دائماً نقف إعجاباً بقلمك استاذ خالد...

سلمت وسلم فكرك
وقلمك
يابو ريما
**
تقبل مروري

سالت الحزني ليش مغرور .....!!!

طرح راقي وقلم مميز

يعطيك العافيه ابو ريما

حسيت إني بداخلي مهجور
حتى ظلي تركني و هجرني


حضور يملئه الإعجاب بقلم تحتار أمامه العبارات
سلمت يداك و صح لسانك