وسيع البال 00مجاراه 00 شعريه 00؟

هذه القصيده للاخ عبد العزيزالحسن ومن حقي التعريف به في منتدانا العزيز
هو
الاستاذ الشاعر المعروف / عبدالعزيز بن حمد بن عبدالله الحسن الطائي
من اهالي يلدة> ملهم< الواقعه في وادي االشعيب 70 كم شمال مدينة الرياض
بكالورس اعلام من جامعة الملك سعود
اعماله
ديوان شعر
1- سعد بن محمد بن مقرن -جمع وتوثيق 1411هـ
2- معازف الشجن (شعر نبطي)1411هـ
3- من قطاف الخبره(شعرنبطي)1411هـ
يعمل حاليا في وزارة الاعلام البرنامج الثاني وسبق وان استلم القناه الاولى بالانابه
======================================
قصيدة - عبد العزيز

ملت نفسي الضيق مع أني وسيع البال=اجل وشلون لو ما كان وسع البحر بالي
تراكم جموع الضيق بالخاطر الشيال=اعاصيرهن مد النظر مالهن تالي
ولي خافقا مرساه فوق الصبر ماينطال= بعيد المدى مايكربه جور الاهوالي
ولو زاد حمل تالنايبات ودجاهن طال=أعدي وفيض النور حلي وترحالي
تسلحت بايماني وصبري طويل حبال=اعيش بمجاله مطلقا خاطري سالي
ولأ ارجع اذا شفت الطريق انعسر وانهال=ابدل سبيل الدون بالمسلك العالي
ولا امشي مع المشبوه والخبل والختال=اصاحب خيار الناس ولا امشي انا لحالي
ولا اركع لغير الله ولا اخضع لحب المال=ولا ارتاع من وقع الهوالي ولا اهتالي
عقدت الرجا في اللي خلقني على اية حال=اذا صار هو ملجاي اسند ولا أبالي
على ابو محمد يرسي القاف ثم يشتال=من الطيب والتطريب ينهل ويكتالي
شعور الموده بين الاجواد له مرسال=بساط احمدي والناس رجلي وخيالي

======================================

مجاراتي لهذه القصيده بهذه القصيده0

سمح لي باخر ابياته اترجم ما طرى بالبال=بعد ما اسند لابو محمد ترى حاله مثل حالي
وقفت بشاطي اشعاره اخذت مع البحر مدهال=اغوص ابحث عن المعنى لقيت الجوهر الغالي
نظمها الشاعر الهادف ماهو عاشق ولا مختال=بيوت الشعر تشهد له على صدقه بالمثالي
انا والله ما امدح غني عني ريب الخال=انا من المنطق الوافي اميز كل رجالي
احساسي لوعة الشاعر انا القاها على ماقال=تلوى في ثنايا الشعر بين المر والحالي
نزل في ساحة المعنى نزول الفارس الخيال=يطرب مهرة افكاره وساق الهجن زرفالي
ترى الضيقه على مثله كما الغيمه بدون خيال=تبددها رياح الصبر عن مثله وتنزالي
وله مرسى على صبره وصبره سيد الاعمال= على ما قيل من يصبر ترى يظفر بها تالي
اذا كان الرجل واثق ما همه لو تدور اهوال=تشع الشمس وتبين طمان الارض والعالي
سلاحه وقوة ايمانه كما الفولاذ ما ينطال=تهب االريح من حوله ولا همه لهب صالي
عزيمه واضحه تظهر صحيح ان الرجال افعال=ومن ينوي طريق الخير يسهلها له الوالي
يشيل الحمل في صمته كما حرا بعد مقفال=يزف الثقل بضلوعه ويقطع دوها الخالي
يحب مرافق الطيب ويكره عشرة الانذال= رفيق الرجل عنوانه يقوله عمي وخالي
ولا يركع لغير الله ولا همه كثير المال=ولا تضعف عزوم الرجل اذا بالكون زلزالي
قوافل من نوى الطوله تواصل والحمول ثقال=ولا تنظر لمن ينبح على دربه ولا تبالي
انا رادفت بالمعنى معك يامنبع الامثال=لبيب العقل يفهمها وياخذ عذب الامثالي

صح لسانك ولسان الشاعر ..

أطربت ناظرنا بهذهـ المجاراهـ

كُــن بالقلب

سلمان العرادي

محمد بن ظاهر

صح الله لسانك ولسانه


,
لكن حاول قدر الإمكان أن تجعل مابين كل مشاركة ومشاركة مايقرب أسبوع أو أكثر لكي نعطي القصيدة حقها من القراءة ولكي تعطي فرصة لغيرك في الصفحة الاولى من القسم

ولك الشكر

.

محمد بن ظاهر

صح الله لسانك ولسانه

,
لكن حاول قدر الإمكان أن تجعل مابين كل مشاركة ومشاركة مايقرب أسبوع أو أكثر لكي نعطي القصيدة حقها من القراءة ولكي تعطي فرصة لغيرك في الصفحة الاولى من القسم

ولك الشكر

.

يابعدي يالذيب ابشر وابشر ونحن تحت امرك ومكملين لبعضنا ياسلطان

صح لسانك ولسان الشاعر ..

أطربت ناظرنا بهذهـ المجاراهـ

كُــن بالقلب

سلمان العرادي

لا تسعني
الدنيا وانا ارى مثلك ياسلمان والشبيبه
على منتدانا حتى جعلوا له طعم اخر ابشرك بين المنتديات وجودكم ومروركم عزنا

الله الله عليك استاذنا ابو فيصل

صوت وصدى رائعين ..

فسلمت يمينك .. ودمت بود

/